Selemia 7:11 - Tosi Tapu

¹¹ Pe fai loku fale tapu ki okoutou mata pe se ana o ni kau kaia, Le fale leia e fetapa ai ki loku suafa ? E kau tio totonu ki ai, e pati le Eteleno.

Selemia 7:11 ပူးပေါင်းရင်းမြစ်များ

Lua tosi o Koloniko 6:33

ke ke tali a ia mei lagi, mei le ganea leia e ke nofo ai, ti ke ke soli ki le matapule lena a nea fuli ala e kole atu loa e ia kiate koe, o tupu ke iloa e le kakai katoa o le kele lou suafa, ti ke lotou i kiate koe, ofaipe lou kakai ko Iselaele, ti ke lotou iloa e too lou suafa i le fale leinei kua kau aga o fakatuu !

Esaia 1:12

Ka kotou au o tutuu i oku mua, Ko ai na kole atu kia koutou ke fakakelekele oku lotoa ?

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Selemia 2:34

E maua foki i le tapatapa o lou kofu Le toto o le kau agatonu, Ala na leaise ke maua e fakamakeke ia lou matapa.

Selemia 23:24

Pe tuu loa se tasi i se ganea munia, Kae leaise kau tio kiate ia ? e pati le Eteleno. Pe leaise kau fakaapele ia a atu lagi mo le kele ? e pati le Eteleno.

Selemia 29:23

Ti e soko loa le nea lena, o tupu kua la fai se nea fakalialia i Iselaele, o la tono mo avaga o ola oloi, ti mo la fakasa ni loi i loku suafa, kae na leaise kau tuku fua kia laua se fakatotonu. E kau iloa a nea ana, ti e kau fakamaoki ki ai, e pati le Eteleno.

Selemia 7:10

Ti oki, ti kotou au o tutuu i oku mua, I le fale leinei e fetapa ai ki loku suafa, Ti e kotou pati : Kua saofaki matou !… Ti e kotou soko atu aifai le fai o nea fakalialia fuli ana !

Esekiele 35:13

Na kotou malaga kiate au i akoutou masau, Na kotou liuliuga akoutou masau veli kiate au : Na kau logo.

Taniela 9:18

Ei loku Atua, tokaga mai lou taliga, ti ke fakalogo mai ! fakamavaa ou mata ti ke tio ki maumau, ke ke tio ki le kolo leia e kalagai ai lou suafa ! E leaise motou fai atu amatou tagi o tupu ko lamatou faitotonu, kae o tupu ko lou manava alofa lasi.

Mateo 21:13

Ti na pati loa Sesu kia latou : E tuu i le tosi : E fakaigoa loa loku fale ko se fale faikole. Kae ko kotou, kua kotou fakaliliu a ia ko se ana o tagata kaia.

Maleko 11:17

Ti na akonaki a ia, o pati : Pe se tosi : E igoa loa loku fale ko se fale faikole ki puleaga fuli ? Kae ko koutou, kua kotou fakaliliu a ia ko se ana o tagata kaia.

Soane 2:16

Ti na pati loa a ia ki le kau fakatau lupe : Ave kese a nea ana i leinei, aua na kotou fakaliliu le fale o loku Tamana ko se fale fakatau.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.