Selemia 6:8 - Tosi Tapu

⁸ Ei Selusalemi, tali le akonaki, Ke aua na kau fakamamao iate koe, Ke aua na kau fakaliliu a koe ko se toafa, Ko se fenua lavaki !

Selemia 6:8 ပူးပေါင်းရင်းမြစ်များ

Pesalemo 2:10

Ti ko leinei, kau sau, ke kotou takitaki i le poto ! Kau tui fakamaau o le malama nei, ke kotou tali aku akonaki !

Pesalemo 50:17

E koe leia e vesia ki manatu, Ti e tiaki ia aku folafola ki ou muli !

Pesalemo 94:12

Manuia le tagata leia e ke tautea, ei Eteleno ! Ti e ke ako ki lau lao,

Taagapati 19:20

Fakalogo ki tokoi, ti tali akonaki, O tupu ke ke poto i le soko atu o lou mauli.

Taagapati 4:13

Taofi ke mau le akonaki, aua na ke tuku a ia ; Kukumi mau a ia, talie ko lou mauli a ia.

Selemia 17:23

Na leaise lotou fakalogo, na leaise tokaga olatou taliga ; Na lotou fakafefeka olatou ua, Ke aua na fakalogo mo tali le akonaki.

Selemia 2:15

E gugulu kiate ia a uviki laione, mo itaita kiate ia, Ti e lotou maumaui lona fenua. Kua tutu ona kolo, ti e leaise koi nofo i ai ni kakai.

Selemia 31:19

I le oki o laku titua kiate koe, e kau logoi se loto fakasemala ; Ti i le oki o laku fakasa aku sala, e kau papa ki loku tega, E kau luma ti e kau mamae, Talie e kau amo le luma o loku temi tupulaga.

Selemia 32:33

Na lotou titua mai kiate au, na leaise lotou tio mai kiate au. Na ako latou, na ako latou talu mei le usu, Kae na leaise lotou fakalogo ke lotou popoto.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Selemia 7:20

Koia e folafola ai le Aliki, le Eteleno, o pati : Ko leinei, kua liligi loku sausau mo loku mafaia ki le ganea leinei, Ki tagata mo manu, Ki laakau o faisaga mo fua o le kele ; Kua mu loku sausau ti e leaise toe mate loa a ia.

Selemia 7:28

Koia pati kia latou : Ko leinei le kakai leia e leaise fakalogo ki le leo o le Eteleno, lona Atua, Ti e leaise loto ke tali ia se akonaki ; Kua puli le maoki, kua mavae a ia i lolatou gutu.

Selemia 7:34

E kau fakagato loa i kolo o Suta ti mo ala o Selusalemi A kalaga fakafiafia, mo kalaga nekenekea, A sua a le tama feauaki ti mo sua a le taine feauaki ; Talie e liliu loa le fenua ko se toafa.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Esekiele 23:18

Na fakasa e ia i ai lana faiaga, Na fakasa e ia ki tafa lona telefua ; Koia na maliu ai loku loto iate ia ofaipe le maliu o loku loto i lona taina.

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Levitiko 26:34

Ti e maua loa e le fenua ona sapato, i le temi katoa lena e kotou mavetevete ai i atu puleaga kesekese ala e ave loa koutou ki ai e okoutou fili ; ti e malolo loa le fenua, mo fakafiafia ki ona sapato.

Sofoni 3:7

Na kau pati : Kapau fua na ke fia fakaapaapa kiate au, O tokaga ki laku fakatotonu, E leaise maumaui loa lou nofoaga, Ti e leaise soko loa tautea fuli ala na kau fakatuutuu kiate koe ! Kae na lotou fakatavili o fakakelekele alatou gaoi.

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.