Selemia 6:7 - Tosi Tapu

⁷ Ofaipe se vai e mapuna mei se sosoni, E mapuna foki lona agaveli meiate ia ; E masau ata iate ia ki le fakamakeke mo le maumau ; E tio tuumau oku mata ki le mamae mo lavea.

Selemia 6:7 ပူးပေါင်းရင်းမြစ်များ

Taagapati 4:23

Taupau lou loto o lasi ake i nea fuli ake ala, Talie e au mei ai a matapuna o le mauli.

Esaia 1:6

Mei le tagavae o kaku ki le ulu, e leaise ganea fua koi malie : Ko lavea ata, mo kafo, mo papala, Ala na leaise sai, pe na faitoo, pe na tului ki se lolo.

Esaia 57:20

Kae fai loa le kau agaveli pe le moana veli, Leia e leaise feala ke malie, Ti e lagai e ona vai ki aluga le takele mo le limu.

Esaia 59:6

Ko nea ala na lotou lalaga e leaise aoga ke fai ai se kofu, Ti e leaise mafai ke lotou lava ki alatou gaoiaga ; Ko alatou gaoi ko ni gaoi o le agasala, Ti e maua i olatou lima ni gaoi o le agamakeke.

Selemia 20:8

Talie i temi fuli e kau masau ai, e tonu ke kau kalaga, Ke kau valoki le aga fakamakeke mo le fakaveliveli ! Ti kua liliu le folafola a le Eteleno kiate au ko se nea fakatupu luma ti mo se nea fakagologolo i aso fuli.

Selemia 30:12

E folafola le Eteleno, o pati : E veli ai lou kafo, E mamae ai lou lavea.

Selemia 30:13

E leaise se tokaga se tasi kiate koe, o sai lou lavea ; E leaise ke maua se faitoo, pe ko se puleaki ke fakamauli ai a koe.

Selemia 30:15

Kolea e ke tagi ai i lou kafo, Ti mo le mamae o lou lavea ? Kua kau fakamamae a koe ki nea ana O tupu ko le lasi o au agaveveli, Ti mo le mauke o au agasala.

Selemia 32:31

Talie kua fakatupu e le kolo leinei loku sausau mo loku mafaia, Talu mei le aso leia na laga ai a ia o kaku mai ki le aso nei ; Koia e kau loto ai ke too le kolo leinei i oku mua,

Selemia 8:22

Pe leaise maua se faitoo i Kalaate ? Pe leai se toketa ? Kolea e leaise fai ai le fakamauli o le taine o loku kakai ?

Esekiele 21:29

Koia e folafola le Aliki, le Eteleno, o pati : O tupu e kotou fakamanatu tuumau mai kiate au akoutou agaveveli, o fakasa ki tafa akoutou patigataa mo akoutou agasala i akoutou gaoiaga fuli ; o tupu e kotou fakamanatu tuumau latou kiate au, e too loa koutou e lona lima makeke.

Esekiele 24:7

Talie e maua i loto malie o ona le toto leia na liligi e ia ; ti kua tuku e ia a ia i aluga o le utu, kae na leaise liligi e ia a ia ki le kele ke tanu e le efu.

Esekiele 45:9

E folafola le Aliki, le Eteleno, o pati : Kua feauga, tama aliki o Iselaele ! Ke kotou tuku la le agamakeke mo le kaia, kae ke kotou fai la le nea leia e sako mo le maoki, ke kotou tuku la le kaia o koloa o loku kakai, e pati le Aliki, le Eteleno.

Esekiele 7:11

Kua tupu le agamakeke, ke liliu ko le tokotoko a le agaveli : E leaise toe loa se nea ia latou, i lolatou kakai logoa, i lolatou kakai toka api ! E leaise tagi loa kia latou !

Esekiele 7:23

Teuteu a tini ! Talie kua apele le fenua i tukipo, Kua apele le kolo i le agamakeke.

Sofoni 3:1

Malaia ki le kolo agatuu mo fakalialia, Ki le kolo leia kua apele i tagata agamakeke !