Selemia 6:23 - Tosi Tapu

²³ E lotou too le kalolo mo le tao ; E lotou tukipo, sala manava alofa. E gugulu lolatou leo ofaipe le tai. E lotou eke i ni osi, O fakaatu pe se tagata e tasi, Ke taui a koe, taine o Sione !

Selemia 6:23 ပူးပေါင်းရင်းမြစ်များ

Esaia 10:32

Na toe manavanava le fili i Nope i se aso e tasi, Ti kua fakakaikai e ia lona lima ki le mauga o le taine o Sione, Le mauga o Selusalemi.

Esaia 13:18

E lotou tamate loa le kau tupulaga ki alatou kalolo, Ti e leaise lotou toe manava alofa loa ki le fua o manava ; E leaise fakamauli loa e olatou mata a fanau liliki.

Esaia 17:12

Oi, kolea le logoa leinei pe ni kakai toka api ! E lotou logoa ofaipe le logoa a le tai. Kolea kua logoa ai a atu puleaga ! Kua lotou gugulu ofaipe le gugulu o ni atu vai makeke.

Esaia 19:4

Ti e pati le Eteleno o kau tau : E kau tuku loa Esipito ki lima o se pule itaita ; E pule loa se sau veli kia latou.

Selemia 25:32

Koia e folafola ai le Eteleno o kau tau, o pati : Ko leinei, kua sosolo le malaia i atu puleaga, Ti kua malaga se afa lasi i potupotu o le malama nei.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Selemia 4:13

Ko leinei e saele mai le tagata maumau ofaipe ni ao ; E fai ana saliote pe se asesio, E gasolo ake ana osi i akuila. Malaia kia tatou, talie kua maumaui tatou !

Selemia 4:16

Kotou fakasa a ia ki atu puleaga, kotou fakasa a ia ki Selusalemi : E au se kau tau mei se fenua mamao ; E lotou kalaga ki kolo o Suta.

Selemia 4:29

I le patatu o le kau ekeosi mo le kau faikalolo, e sosola a kolo fuli ; E ulu ki ulu vao, e kava i utu ; Kua tiaki a kolo fuli, e leaise koi nofo i ai se tasi.

Selemia 5:16

E fai lana tanakiaga gasau pe se tanuma mavaa ; E lotou totoa fuli.

Selemia 50:41

Ko leinei, e au se kakai mei le potu noleto, ko se puleaga lasi, Ti e malaga ake ni sau makeke i potupotu o le malama nei.

Selemia 50:42

E lotou too le kalolo mo le tao ; E lotou tukipo, sala manava alofa ; E gugulu lolatou leo ofaipe le tai ; E lotou eke i ni osi, O teuteu pe se fa tagata e tasi, Ke tau kiate koe, taine o Papilone !

Selemia 6:4

Kotou teuteu ke osoi a ia ! Tou ano, tou pale i le lalatea totonu !… Malaia kia tatou, talie kua toetoe le aso, Kua fakaloloa a malu le afiafi.

Selemia 8:16

E logo mai le tagi o osi mei le fetuu o Tane, Ti e galulu le kele katoa i le logoa o olatou tagi ; E lotou au, e lotou kai le fenua ti mo nea fuli e maua i ai, Le kolo ti mo latou e nonofo i ai.

Esekiele 21:31

E folafola le Aliki, le Eteleno, o pati : E too loa lou pale fakasau, ti e too loa o ave mo lou pala fakasau. E fetogi loa a nea : Ko le nea leia na taulalo e siki loa ki aluga, ti ko le nea leia na taualuga e tuku loa ki lalo.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,