Selemia 6:20 - Tosi Tapu

²⁰ Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Selemia 6:20 ပူးပေါင်းရင်းမြစ်များ

Esaia 1:11

E pati le Eteleno : kolea le uiga o le liuliuga o akoutou sakilifisio ? Kua kau makona i failaulau o ovi tagata ti mo le gako o uviki pipi tagata ; E leaise kau maua se fiafia i le toto o pipi tagata, mo ovi fafine ti mo koti tagata.

Esaia 60:6

E ke apele loa i kamelo, I kamelo o Matiane mo Efa ; E lotou au fuli loa mei Sapa ; E lotou fetuku mai loa le aulo mo le iseso, Ti e lotou fakasa loa a fakavikiviki o le Eteleno.

Pesalemo 40:6

Eteleno, loku Atua ! na ke liuliuga Au gaoi fakatalatupua mo au fakatuutuu kia matou. E leaise tasi e tatau mo koe : E kau fia fakasa ti e kau fia fakamatala au gaoi, Kae e lotou lasi ai ke kau fakamatala fuli latou.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Ekesote 30:23

Too loa kiate koe a kaloni malilie tukupau : le mila, ko ni sikele e kau lelau lima o le mila leia e sali toka tasi ; mo le sinamome, ko ni sikele e kau lelau lua kau lima ; mo ni kanele manogi, ko ni sikele e kau lelau lua kau lima ;

Esekiele 27:22

Na fai koloa Sepa mo Laema mo koe ; Na lotou fakatau kiate koe ni nea fakamanogi mauiga kesekese, ni fatu mauiga kesekese, mo le aulo.

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Uluaki tosi o Sau 10:10

Na soli loa e le fafine sau ki le sau ko Salomone se aulo ko tane e tolu mo le vaelua, mo ni nea fakamanogi mauke ai mo ni fatu mauiga. Na leaise toe aumai loa ni nea fakamanogi ke lasi tatau mo la na soli loa e le fafine sau o Sepa ki le sau ko Salomone.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Taagapati 21:27

Ko le sakilifisio a le kau agaveli ko se nea fakalialia ; Tafito mo ka fai a ia mo ni manatu veveli.

Selemia 14:10

Ko leinei le nea leia kua fakasa e le Eteleno o uiga mo le kakai leinei : E lotou manako ki le makape saele, E leaise lotou iloa le tataofi o olatou vae ; E leaise malie ia e le Eteleno le nea lena, E manatui e ia alotou agaveli i le aso nei, Ti e tautea e ia alatou agasala.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:4

E leaise lotou fai loa ki le Eteleno ni lipasio vino : E leaise lotou malilie loa ki le Eteleno. E fai loa alatou sakilifisio kia latou pe se pane o le mamae : Ko latou fuli ala e kai loa ki ai e liliu loa o kelekele ; Talie e tuku loa lalatou pane kia latou tefua, Kae e leaise fakaulu loa a ia ki le fale o le Eteleno.

Lua tosi a Samuele 15:12

I le lolotoga momoli e Apesalone o le sakilifisio, na kakau loa e ia ke afa mei le kolo ko Kilo a Asitofele, ko le tagata Kilo, leia na kau i kau matua tokoi a Tavite. Na asilisili makeke le fakafesagai, ti na asilisili api le kakai leia kua kau kia Apesalone

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.