Selemia 6:2 - Tosi Tapu

² Taine fulumalie mo fakaeteete, E kau maumaui loa a koe, taine o Sione !

Selemia 6:2 ပူးပေါင်းရင်းမြစ်များ

Esaia 1:8

Ti kua nofo le taine o Sione Ofaipe se ga fale pola i se faisaga vite, Ofaipe se fale pola i se faisaga kokope, Ofaipe se kolo na takatakai.

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Tagi laulau a Selemia 2:1

Oiau, kua ufiufi e le Eteleno ki ni ao le taine o Sione i lona sausau ! Na fakaifo e ia mei le lagi ki le kele le kololia o Iselaele ! Na leaise manatui e ia lona tekiaga vae, I le aso o lona sausau !

Tagi laulau a Selemia 2:13

Kolea e tonu ke kau fakasa kiate koe ? Kolea ke kau fakatatau a koe ki ai, taine o Selusalemi ? Ko ai e toe tatau mo koe, ti ko le fakapelepele fea leia ke fai kiate koe, Taupoou, taine o Sione ? Talie e lasi lou lavea ofaipe le tai : Ko ai e mafai loa ke faitoo ia a koe ?

Tagi laulau a Selemia 4:5

Ko latou ala na kai ki nea kai malilie Kua mamate i ala ; Ko latou ala na tupu ake i le velevete Kua sogi ki faikauga o manu.

Tetelonome 28:56

Ko le fafine, leia ia koutou na fakapotopoto mo agamalu, leia na leaise poto fua i le fakalave o lona vae ki le kele na kelekele, e tio fakaveli loa ki lona avaga totonu, mo lona tama, mo lona taine,