Selemia 6:16 - Tosi Tapu

¹⁶ E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Selemia 6:16 ပူးပေါင်းရင်းမြစ်များ

Uluaki tosi o Sau 8:36

ke ke tali loa latou mei le atu lagi, ke ke fakamolemole loa le agasala o au tagata fakasausau ti mo lou kakai ko Iselaele, leia e ke ako loa ki ai le ala malie leia e tonu ke lotou saele ai, ti ke ke kakau mai loa le ua ki le kele leia na ke tuku ke maua tofiga e lou kakai !

Lua tosi o Koloniko 19:11

Ti ko leinei, e kotou nofo loa mo Amalia, le tagata faisakilifisio lasi, ke pule kia koutou, o uiga mo nea fuli a le Eteleno, ti mo Sepatesa, vosa o Isemaele, pule o le fale o Suta, ke tokaga loa ki nea fuli a le sau, ti e kotou maua le kau Levi ke tui fakamaau i okoutou mua. Kotou fakamakeke ti kotou gaoi, ti ke kau loa le Eteleno mo leia e fai ia loa le nea e malie !

Pesalemo 116:7

Loku laumalie, toe liliu ki lou maloloaga, Talie na fai e le Eteleno kiate koe se nea malie.

Esaia 2:5

Fale o Sakopo, Kotou au, ti ke tou saele fakatasi i le malama o le Eteleno !

Esaia 28:12

Na pati a ia kiate ia : Ko leinei le maloloaga, Kotou tuku ke malolo leia kua gaegae ; Ko leinei le ganea malolo ! Kae na leaise lotou fia fakalogo fua.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 46:9

Kotou manatui le nea leia na soko i temi afea ; Talie ko au e Atua, ti e leaise tasi ake Atua. Ko au e Atua, ti e leaise tasi e tatau mo au.

Esaia 57:2

E ulu loa a ia ki le tokamalie, E malolo loa a ia i lona moeaga, Leia e mulimuli loa i le ala totonu.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 18:12

Kae e lotou pati : E leai sona aoga ! Talie e motou mulimuli loa ki amatou manatu, E motou tasi fai loa o mulimuli ki oli o lomatou loto veli.

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Selemia 2:25

Aua na ke makape kilii vae, Iselaele ! Tokaga na malo noa lou fatakia ! Kae e ke pati : Leai, tuku noa au ! Talie e kau alofa ki atua matapule, E kau fia ano kia latou.

Selemia 22:21

Na kau masau kiate koe i le temi o lou manuia ; Kae na ke pati : E leaise kau fakalogo loa. Na ke fai fenaaki talu mei lou ikiiki ; Na leaise ke fakalogo ki loku leo.

Selemia 31:21

Fakatuu ni fakamailoga, fakatuu ni pou, Tokaga ki le ala lasi, mo le ala ikiiki leia na ke ano ai… Toe liliu mai, taine taupoou o Iselaele, Toe liliu mai ki kolo anei o ou !

Selemia 42:3

Ti ke fakasa mai e le Eteleno, lou Atua, le ala leia e tonu ke motou muli ai, mo le nea leia e tonu ke motou fai !

Selemia 44:16

E leaise motou fakalogo loa ki se nea i nea ala kua ke fakasa mai kia matou i le suafa o le Eteleno.

Selemia 50:5

E lotou afa loa le ala o Sione, E agaaga loa olatou mata kiate ia : Kotou au, kotou pipiki ki le Eteleno I se sai lee gato leia e leaise toe galo loa i se aso !

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Selemia 7:3

E folafola le Eteleno o kau tau, le Atua o Iselaele, o pati : Kotou fetogi okoutou ala mo akoutou gaoi, Ti e kau tuku loa koutou ke nofo i le fenua leinei.

Malakia 4:4

Ke kotou manatui le lao a Moisese, laku tagata fakasausau, Leia na kau tuku kiate ia i Olepe, Ke ako ki Iselaele katoa, Kotou tausi a pelesepeto mo fakatotonu.

Luka 16:29

Na tali loa Apalaamo : E lotou maua Moisese mo le kau polofeta ; ke lotou fakalogo kia latou.

Soane 12:35

Na pati loa Sesu kia latou : Koi nofo fua le malama i se ga temi ikiiki ia koutou. Kotou saele koi kotou maua le malama, talie ke aua na maua koutou e le fakapouli : ko leia e saele i le fakapouli e leaise iloa e ia pe ano a ia kifea.

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Loma 4:12

ti ko le tamana foki a ia o le kau silikosisio, ala na leaise silikosisio fua, kae na toe saele foki i lakaaga o le tui o lotatou tamana ko Apalaamo i le temi leia na lee silikosisio ai a ia.

Tetelonome 32:7

Toe manatui a aso o le temi mua, Toe liliu ki fetuu mo tautupu kua sili, Vesili ki lou tamana, ti e fakasa atu loa e ia kiate koe, Ti mo ou kau matua, ti e lotou fakamatala atu loa kiate koe :

Kolose 2:6

Koia o tupu kua kotou tali le Aliki ko Sesu-Kilisito, kotou saele iate ia,

Epelo 11:2

Talie na lotou maua a ia, na tuku e le Atua se fakamaoki malie ki le kau matua i le temi mua.

Epelo 6:12

Ke aua na kotou fakagasueveli, kae ke kotou faifaitaki kia latou ala na tui mo kataki fualoa, ti kua maua ia a nea ala na fakapapau e le Atua.

Tuifakamaau 2:17

Kae na leaise lotou fakalogo foki ki olatou tui fakamaau, talie na lotou tausi loa ki ni atua kese, ti na lotou punou loa i olatou mua. Na lotou maliu vave ai mei le ala leia na saele ai olatou tamana ala na fakalogo ki folafola a le Eteleno : Na lotou fai loa ni nea faikese.