Selemia 6:13 - Tosi Tapu

¹³ Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Selemia 6:13 ပူးပေါင်းရင်းမြစ်များ

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 57:17

O tupu ko lona manumanu agasala, na kau ita ti na kau taai a ia ; Na kau mumuni i loku mamae ; Ti na muli le tagata agatuu i le ala o lona loto.

Selemia 14:18

Kapau e kau ano ki faisaga, ko leinei ni tagata na tamate e le seleta ; Kapau e kau ulu ki le kolo, ko leinei ni kakai na mate i le oge ! E ano le polofeta mo le tagata faisakilifisio i le fenua katoa, Kae e leaise lotou iloa pe ano kifea.

Selemia 17:11

Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Selemia 2:26

Ofaipe se tagata kaia leia e luma moka mauatoka, E lotou luma loa, latou o le fale o Iselaele, Latou, mo olatou sau, mo olatou pule, Mo olatou kau faisakilifisio ti mo olatou kau polofeta.

Selemia 2:29

Kolea e kotou visi ai loa mo au ? Na kotou agatuu fuli kiate au, e pati le Eteleno.

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 22:17

Kae kua ke tuku ata ou mata mo lou loto Ki le manumanu koloa, Ke liligi le toto mea, Ke fai le fakaveliveli mo le fakamakeke.

Selemia 23:10

Talie kua apele le fenua i tono ; Kua mamae le fenua o tupu ko le malaia ; Kua malo a potu faisaga o le toafa. Kua lotou makape ki le veli, Kua lotou makeke ata ki le fai o le agasala.

Selemia 23:11

Kua fakalialia le kau polofeta mo le kau faisakilifisio ; Ti kua kau maua foki i loku loto fale totonu alatou agaveli, E pati le Eteleno.

Selemia 27:15

E pati le Eteleno : Na leaise kau kakau atu latou, kae e lotou kikite le loi i loku suafa, o tupu ke kau kapu koutou ti ke kotou mamate, a koutou mo kau polofeta ala e kikite kia koutou.

Selemia 32:32

O tupu ko le veli katoa leia na fai e fanau o Iselaele mo fanau o Suta, Ke kau itaita ai, Latou, mo olatou sau, mo olatou pule, mo olatou kau tagata faisakilifisio ti mo olatou kau polofeta, Mo tagata o Suta ti mo le kakai o Selusalemi.

Selemia 42:1

Ti na fakafeofi ake loa a kau pule solia fuli, mo Sokanane, vosa o Kalease, mo Sesania, vosa o Ose, mo le kakai katoa, mei leia e ikiiki o kaku ki leia e lasi,

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Tagi laulau a Selemia 4:13

Ko lena le fua o agasala o ona polofeta, Mo agaveli o ona tagata faisakilifisio, Ala na liligi ia i loto malie o ona Le toto o le kau agatonu !

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mikea 3:5

Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Luka 16:14

Ko le kau faliseo, ala na fulupipiki ki le paaga, na fakalogo ki nea fuli ana, ti na lotou gologolo kia Sesu.

Uluaki tosi kia Timoteo 3:3

E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga.

Lua tosi a Petelo 2:1

Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.