Selemia 6:11 - Tosi Tapu

¹¹ Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Selemia 6:11 ပူးပေါင်းရင်းမြစ်များ

Esaia 40:30

Ko tupulaga koi tupu e gaegae ti e kaekae ; Ti ko le kau tupulaga kua katoa e sisiga ki lalo ;

Selemia 15:17

Na leaise kau tonatona fua i le fakatasi a le kau gologolo, o tupu ke kau fakafiafia mo latou ; Kae na kau tonatona toka tasi, o tupu ko lou mafimafi, Talie na fakaapele au ki lou sausau.

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 20:9

Kapau e kau pati : E leaise kau toe masau loa kiate ia, E leaise kau toe masau loa i lona suafa, E i ai i loku loto ofaipe se afi kaka, Leia e nofo i oku ivi. E kau faiga ke taofi a ia, kae e leaise kau mafai a ia.

Selemia 5:9

Pe leaise kau tautea loa a nea ana, e pati le Eteleno, Pe leaise kau totogi loa ki se puleaga felaaki ?

Selemia 7:20

Koia e folafola ai le Aliki, le Eteleno, o pati : Ko leinei, kua liligi loku sausau mo loku mafaia ki le ganea leinei, Ki tagata mo manu, Ki laakau o faisaga mo fua o le kele ; Kua mu loku sausau ti e leaise toe mate loa a ia.

Selemia 9:20

Fafine, kotou fakalogo mai ki le folafola a le Eteleno, Ti ke taofi e lokoutou taliga le nea leia e fakasa e lona gutu ! Kotou ako ki okoutou taineliki ni tagi mate, Kotou feakoaki ni tagi laulau ia koutou.

Selemia 9:21

Talie kua ulu le mate i omatou katupa, Kua ulu a ia ki omatou fale sau ; Kua tamate e ia a toe liliki i le ala, Mo tupulaga i lapalasi fakafenua.

Tagi laulau a Selemia 1:15

Na ti e le Aliki ki le kele aku tagata tau fuli i loto malie o oku ; Na tanaki e ia se solia kiate au, Ke maumaui ia aku tagata tupulaga ; Na takatakafi e le Aliki i le tataoaga vino le taupoou, taine o Suta.

Tagi laulau a Selemia 2:21

Kua momoe a toe mo matua i le kele i ala ; Kua mamate oku taineliki taupoou mo oku tama tupulaga i le seleta ; Na ke tamate, i le aso o lou sausau, Na ke tamate sala alofa.

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Esekiele 3:3

Na pati mai loa a ia kiate au : Vosa o le tagata, fagai lou manava ti fakaapele ou tootooga ki le takaiga tosi leia e kau soli atu kiate koe ! Na kau kai loa a ia, ti na suamalie loa a ia i loku gutu ofaipe le sua meli.

Esekiele 9:6

Kotou tamate, kotou maumaui a matua, mo tagata muli, mo taineliki taupoou, mo toe liliki, mo fafine ; kae aua na kotou fakafeofi loa ki se tasi leia e nofo loa mo se fakamailoga i lona lae ; kotou kamata i loku fale tapu ! Na lotou kamata loa i le kau matua ala na nonofo i mua o le fale tapu.

Mikea 3:8

Kae ko au, e kau apele i le makeke, i le Laumalie o le Eteleno ; E kau apele i le faitotonu ti mo le loto makeke, Ke fakasa kia Sakopo lana agaveli, Kia Iselaele lana agasala.

Luka 17:34

E kau fakasa atu kia koutou, i le pouli lena, i se fa toka lua ala e momoe loa i se palepale, e too loa le tasi kae tuku loa le tasi ;

Gaoi 17:16

I le talitali a Paulo kia laua i Atena, na logoi loa e ia se ita i lona loto, i lana tio ki le apele o le kolo lena i taulaatua.

Gaoi 18:5

Kae, i le kaku mai a Silasi mo Timoteo mei Masetonia, na tokaga ata loa a ia ki le folafola, o fakasa ki le kau Sutea ko Sesu ko le Kilisito.

Gaoi 4:20

talie e leaise mafai ke aua na ma masau ki le nea leia kua ma tio mo logo ki ai.

Apokalipisi 16:1

Ti na kau logo loa ki se leo makeke leia na au mei le fale tapu, o pati ki aselo e fitu : Kotou ano, ti kotou liligi ki le malama nei a ipu e fitu o le sausau o le Atua.