Selemia 6:10 - Tosi Tapu

¹⁰ Ko ai leia e tonu ke kau masau ki ai, ti ko ai leia e tonu ke too ko se tagata fakamaoki ke lotou fakalogo mai ai kiate au ? Ko leinei, kua tulituli lolatou taliga, Ti e leaise mafai fua ke lotou tokaga ; Ko leinei, e fai le folafola a le Eteleno kia latou pe se lumaaga, E leaise lotou maua i ai se fiafia fua e tasi.

Selemia 6:10 ပူးပေါင်းရင်းမြစ်များ

Pesalemo 1:2

Kae e maua lona fiafia i le lao a le Eteleno, Ti e metitasio ki ai i le ao mo le pouli !

Pesalemo 119:16

E kau maua oku fiafia i au lekula, E leaise kau galoi fua lau folafola.

Pesalemo 119:174

Ei Eteleno, e kau oli mamae ki lau fakamauli ! Ti ko lau lao e fai ia oku fiafiaaga.

Pesalemo 119:24

Ko au pelesepeto ko oku fiafiaaga, Ko oku tagata tokoi latou.

Pesalemo 119:35

Taki au i le ala o au fakatotonu, Talie e kau alofa ki ai.

Pesalemo 119:70

E logo noa le loto ofaipe le gako ; Ko au, e kau maua oku fiafia i lau lao.

Pesalemo 119:77

Ke au ou manava alofa kiate au, o tupu ke kau mauli ! Talie ko lau lao e fai ia oku fiafiaaga.

Pesalemo 40:8

Koia e kau pati ai : Ko leinei, e kau au Mo le takaiga tosi leia na tosi kiate au.

Ekesote 6:12

Na tali loa Moisese ki le Eteleno : Ko leinei foki, na leaise fakalogo fua fanau totonu o Iselaele kiate au : Pe feaki loa ke fakalogo Falaone kiate au, leia e leaise masau malie ?

Esaia 42:20

Na ke tio ki nea mauke ai, kae na leaise ke tokaga fua ki ai ; Na fakamavaa a taliga, kae na leaise logo fua.

Esaia 53:1

Ko ai na tui ki le nea leia na fakasa fakatomua mai kia tatou ? Ko ai na iloa ia le lima o le Eteleno ?

Selemia 35:13

E folafola le Eteleno o kau tau, le Atua o Iselaele : Ano, o pati ki tagata o Suta mo le kakai o Selusalemi : Pe e leaise kotou ako la le fakalogo ki aku folafola ? E pati le Eteleno.

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Selemia 7:13

Ti ko leinei, e pati le Eteleno, O tupu na kotou fai a nea fuli ana, O tupu na kau masau atu kia koutou i le usu kae na leaise kotou fakalogo mai kiate au, O tupu na kau kalagai koutou kae na leaise kotou fakalogo mai kiate au,

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Selemia 9:26

Esipito, Suta, Etome, fanau o Amone, Moape, Latou fuli ala e tele ia olatou ma, Latou ala e nonofo i le toafa ; Talie e lee silikosisio a atu puleaga fuli, Ti e lee silikosisio le loto o le fale katoa o Iselaele.

Esekiele 3:7

Kae e leaise loto loa le fale o Iselaele ke fakalogo kiate koe, talie e leaise fia fakalogo a ia kiate au ; talie kua fia nealasi ti mo ulu fefeka le fale katoa o Iselaele.

Esekiele 33:3

Kapau e tio loa le tagata lena kua au le seleta ki le fenua, ti e pupusi loa e ia le fakatagi pupusi, ke valoki ai le kakai ;

Esekiele 33:9

Kae kapau e ke valoki le tagata agasala ke tafoki i lona ala, kae e leaise tafoki a ia i ai, e mate loa a ia i lana agasala, ti ko koe, e ke saofaki loa lou laumalie.

Amosi 7:10

I le temi lena na fakasa loa e Amatesia, le pelepitelo o Petele, kia Selopoamo, sau o Iselaele : Kua agatuu Amosi kiate koe i loto malie o le fale o Iselaele ; ti e leaise koi mafai ke kataki e le fenua ana masau fuli.

Mateo 3:7

Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Luka 11:45

Na masau loa se tasi o le kau toketa o le lao, o pati kiate ia : Pule, i lau masau fenaaki, e ke toe valoki ai foki matou.

Luka 20:19

Na afa loa e le kau pule faisakilifisio ti mo le kau sekelipa ke too Sesu i le lakaga lena, kae na lotou i loa ki le kakai. Talie na lotou matala loa kua fai e Sesu le folafola fakatata lena kia latou.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Soane 9:40

Ko ni iki faliseo ala na nonofo mo ia, i lalatou logo ki folafola ana, na pati loa kiate ia : Pe motou kivi, mo matou foki ?

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Gaoi 7:60

Ti na tuutuli loa a ia, o kalaga leo lasi : Aliki, aua na ke tuku kia latou le agasala leinei ! Ti i le oki o masau ana, na moe loa a ia.

Loma 7:22

Talie e kau maua loku fiafia i le lao a le Atua i loku loto totonu ;

Tetelonome 29:4

Kae, o kaku mai ki le aso leinei, na leaise tuku e le Eteleno kia koutou se loto ke matala, mo ni mata ke tio, mo ni taliga ke logo.

Kolose 1:28

Ko ia leia e ma fakasa, o kole ki tagata fuli, ti mo akonakii tagata fuli i le poto katoa, o tupu ke ma momoli ki le Atua a tagata fuli kua malie tukupau ia Kilisito.

Lua tosi kia Timoteo 4:3

Talie e soko mai loa se temi leia e leaise koi kataki loa e tagata le akonaki totonu ; kae, i lalatou maua le mageo ke logo ki ni nea malilie, e lotou fakatupu loa ni kau fai akonaki toka api o fakatatau ki olatou oli.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.