Selemia 52:7 - Tosi Tapu

⁷ Ti na fai loa se pu i le kolo, ti na sosola loa a tagata tau fuli, o mavae mei le kolo i le pouli, i le matapa leia i loto o paa e lua, feofi ki le oloto o le sau, kae na lolotoga takatakai le kolo e le kau Kaletea. Na too loa e latou ala na sosola le ala ki le toafa.

Selemia 52:7 ပူးပေါင်းရင်းမြစ်များ

Lua tosi o Sau 25:4

Ti na fai loa se pu i le paa o le kolo ; ti na sosola loa a tagata tau fuli o Suta i le pouli, i le ala o le matapa i vasa o paa ala e ofi ki le oloto o le sau, kae na lolotoga takatakai e le kau Kaletea le kolo. Na too loa e le kau tagata ala na sosola le ala o le toafa.

Selemia 34:22

E pati le Eteleno : E kau tuku loa aku fakatotonu ti e kau toe fakaliliu mai loa latou ki le kolo leinei ; e lotou taui loa a ia, ti e lotou maua loa a ia, ti e lotou tutu loa a ia ki le afi. Ti e kau fakaliliu loa a kolo o Suta ko se toafa, sala kakai.

Selemia 39:2

I le fetuu kau agafulu tupu tasi o Setesiasi, i le aso iva o le masina fa, na fai loa se pu i le kolo,

Selemia 49:26

Koia e vivilo ai loa ona kau tupulaga i ala, Ti e mamate loa ona kau tagata tau i le aso lena, E pati le Eteleno o kau tau.

Selemia 51:32

Kua ulu i matapa, Kua tutu a nofolaga solia e le afi, Kua gagae a tagata tau.

Selemia 6:5

Tou ano, tou pale i le pouli ! Tou maumaui ona fale sau !

Esekiele 12:12

Ko le pule leia e nofo i loto malie o latou, E teki ia loa lana kavega ki lona ua i le pouli, ti e ano loa ; E puui loa le paa ke fakaulu ai a ia ki fafo ; E pulou loa ona mata, Ke aua na tio ona mata ki le kele.

Esekiele 12:4

Ke ke ave ou nea fanoga i le ao i olatou mua ; ti ko koe, ke ke ano loa i le afiafi i olatou mua, ofaipe le ano a ni kau popula.

Esekiele 33:21

I le fetuu kau agafulu tupu lua, i le aso lima o le masina kau agafulu o lomatou popula, na au se tagata leia na sola i Selusalemi, o pati mai kiate au : Kua vilo le kolo !

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:36

E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Amosi 4:3

E kotou ulu loa ki fafo i pu o le kaua, o tasi tio fai ki ona mua, Ti e ti loa koutou ki le fale makeke, e pati le Eteleno.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 32:30

Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?