Selemia 52:6 - Tosi Tapu

⁶ I le aso iva o le masina fa, na veli ai le oge i le kolo, ti na leaise koi maua se pane ki le kakai o le fenua.

Selemia 52:6 ပူးပေါင်းရင်းမြစ်များ

Lua tosi o Sau 25:3

I le iva o aso o le masina, na makeke ai le oge i le kolo, na leaise koi maua se pane ki le kakai o le kolo.

Esaia 3:1

Ko leinei ka too loa e le Aliki, le Eteleno o kau tau, I Selusalemi mo Suta, A fanakiaga fuli mo tokoi fuli, Io, a tokoi fuli o le pane Ti mo tokoi fuli o le vai,

Selemia 15:2

Ti kapau e lotou pati atu kiate koe : Pe motou ano loa kifea ? E ke tali loa kia latou : ko leinei le folafola a le Eteleno : Ki le mate latou ala e tonu ke mate, Ki le seleta latou ala e tonu ke tamate e le seleta, Ki le oge latou ala e tonu ke mate i le oge, Ki le popula latou ala e tonu ke ano o popula !

Selemia 19:9

E kau fagai loa latou ki tino o olatou vosa mo tino o olatou taineliki, Ti e lotou fekaiaki loa olatou tino, I loto malie o le i mo le mamae, Ala e tuku loa latou ki ai e olatou fili Ti mo latou ala e loto ki lolatou mauli.

Selemia 21:9

Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea ala e takatakai ia koutou e mauli loa a ia, ti e liliu loa lona mauli ko lona koloa.

Selemia 25:10

E kau fakagato loa ia latou a kalaga fakafiafia mo kalaga nekenekea, a sua a le tama feauaki mo sua a le taine feauaki, le logoa o le fatu fakamalu fulumeto mo le ula o le malama.

Selemia 37:21

Ti na fakatotonu loa e le sau ko Setesiasi ke ave Selemia ki le malae o le fale pilisoni, ti ke soli kiate ia i aso taki tasi se fa pane e tasi mei le ala o le kau tao pane, o kaku ki le oki o le pane i le kolo. Ti na nofo loa Selemia i le malae o le fale pilisoni.

Selemia 38:9

Ei sau, loku aliki, e veli le nea leia kua fai e kau tagata anei kia Selemia, le polofeta, o lotou ti a ia ki le sosoni ; e mate loa a ia i ai i le fia kai, talie e leaise koi i ai se pane i le kolo.

Selemia 39:2

I le fetuu kau agafulu tupu tasi o Setesiasi, i le aso iva o le masina fa, na fai loa se pu i le kolo,

Tagi laulau a Selemia 1:11

Kua mamae lona kakai katoa, kua afa e ia se pane ; Kua lotou soli alatou nea mauiga ki se nea kai, O tupu ke fakamakeke ai lolatou laumalie. Tio, Eteleno, tio ki loku fakaveliveli !

Tagi laulau a Selemia 5:10

Kua vevela omatou kili ofaipe se gutuumu, I le makeke o le fia kai.

Esekiele 14:13

Vosa o le tagata, kapau kua agasala mai kiate au se fenua, o tausi ki taulaatua, ti kapau na kau falo loku lima kiate ia, ti kapau na kau fatii le laakau o le pane kiate ia, ti kapau na kau kakau le oge kiate ia, ti kapau na kau tuuti iate ia a tagata mo manu,

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Esekiele 31:1

I le fetuu kau agafulu tupu tasi, i le uluaki aso o le masina tolu, na tuku mai loa kiate au le folafola a le Eteleno, o pati :

Esekiele 5:16

E kau laku loa kia latou a gasau veveli o le oge, ala e soli ia le mate, ala e kau kakau ia mai loa ke maumaui ia koutou ; talie e kau toe tuku loa le oge ke fakalasi ai okoutou mamae, ti e kau fatii loa kia koutou le laakau o le pane.

Esekiele 7:15

Ko le seleta i fafo, ko le taumasaki mo le oge i loto ! Ko leia e nofo i le faisaga e mate loa i le seleta, Ko leia e nofo i le kolo e mate loa i le oge mo le taumasaki.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.

Tetelonome 32:24

E lotou fakalaulautetea loa i le oge, Ti e kai loa latou e le fiva mo tau masaki veli. Ti e kau kakau mai loa kia latou a manu fekai, mo gata uti kona.