Selemia 52:4 - Tosi Tapu

⁴ I le fetuu iva o le sau o Setesiasi, i le aso kau agafulu o le masina kau agafulu, na au loa Nepukatenesale, sau o Papilone, mo lana solia katoa ki Selusalemi ; na lotou fakatuu loa lolatou nofolaga tau i ona mua, ti na lotou takatakai loa a ia ki ni palepale tau.

Selemia 52:4 ပူးပေါင်းရင်းမြစ်များ

Esaia 29:3

E kau takatakai ia loa a koe i potu fuli, E kau tapotapono ia loa a koe ki ni nofolaga solia, E kau fai loa ni kolo tau ke taui ai a koe.

Selemia 21:2

Afa le finegalo o le Eteleno kia tatou ; talie ko leinei kua au Nepukatenesale, sau o Papilone, o taui tatou ; E lagi fai loa e le Eteleno kia tatou se milakulo ke fakamamao ai Nepukatenesale meia tatou.

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 34:1

Na folafola loa le Eteleno kia Selemia, o pati, i le temi leia na fai ai le tau ki Selusalemi mo kolo fuli ala na fakalogo kiate ia, e Nepukatenesale, sau o Papilone, mo lana solia katoa, mo puleaga fuli ala na fakalogo kiate ia, mo kakai fuli.

Selemia 39:1

I le too o Selusalemi, i le fetuu iva o Setesiasi, sau o Suta, i le masina kau agafulu, na au loa Nepukatenesale, sau o Papilone, mo lana solia katoa o takatakai Selusalemi.

Selemia 4:17

E lotou takatakai Selusalemi ofaipe latou ala e taupau ia se faisaga, O tupu na agatuu a ia kiate au, e pati le Eteleno.

Selemia 52:7

Ti na fai loa se pu i le kolo, ti na sosola loa a tagata tau fuli, o mavae mei le kolo i le pouli, i le matapa leia i loto o paa e lua, feofi ki le oloto o le sau, kae na lolotoga takatakai le kolo e le kau Kaletea. Na too loa e latou ala na sosola le ala ki le toafa.

Esekiele 21:22

Ko loku temi loa leinei, E kau pasipasi loa oku lima Ti e kau tuku loa loku ita ke faitalisa. Ko au, le Eteleno, leia e folafola !

Esekiele 21:27

Kua vilo ki lona lima atamai le gasau, leia na tusi mo Selusalemi. Ko leinei, ka tuku loa e ia le fakatotonu ke ano ki ai, ti ke fai ni kalaga makeke. E fakatuu loa e ia ni masini tau ki matapa o le kolo, ti e laga loa e ia ni palepale tau, ti e kenu loa e ia ni mumuniaga.

Esekiele 26:8

Ti e tamate loa e ia ki le seleta ou taineliki i lou kele totonu ; ti e kenu loa e ia ni mumuniaga i le kele, ti e fakatuu loa e ia ni palepale tau kiate koe, ti e taui loa e ia a koe.

Esekiele 33:21

I le fetuu kau agafulu tupu lua, i le aso lima o le masina kau agafulu o lomatou popula, na au se tagata leia na sola i Selusalemi, o pati mai kiate au : Kua vilo le kolo !

Esekiele 40:1

I le fetuu kau lua tupu lima o lomatou popula, i le kamataaga o le fetuu, i le aso kau agafulu o le masina, i lona kau agafulu tupu fa fetuu i le oki o le maumaui o le kolo, i le aso totonu lena, na teki loa le lima o le Eteleno kiate au, ti na ave loa au e le Laumalie ki le fenua o Iselaele.

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.

Luka 19:43

E soko mai loa kiate koe ni aso ala e takatakai ai loa a koe e ou fili ki ni popoko, o taui a koe, ti mo tapotapono a koe i potu fuli ;

Luka 21:20

Ka kotou tio loa kua takatakai Selusalemi e ni kau tau, ti kotou iloa kua vave fua lona maumaui.