Selemia 52:3 - Tosi Tapu

³ Ti na soko loa le nea lena o tupu ko le sausau o le Eteleno ki Selusalemi mo Suta, ala na loto a ia ke tiaki mei ona mata. Ti na agatuu loa Setesiasi ki le sau o Papilone.

Selemia 52:3 ပူးပေါင်းရင်းမြစ်များ

Senesi 4:14

Ko leinei e ke kapu au i le aso nei i le kele leinei ; ti e tonu loa ke kau mumuni o mamao mo koe ; e kau liliu loa ko se nea sese mo foli noa i fuga o le kele, ti ka maua loa au e se tasi, ti e tamate loa e ia au.

Senesi 4:16

Ti na fakamamao loa Kaino i mata o le Eteleno, ti na nofo loa a ia i le fenua o Noti, i le potu esite o Eteni.

Lua tosi a Samuele 24:1

Na toe mu le sausau o le Eteleno ki Iselaele, ti na fakavelii loa e ia Tavite kia latou, o pati : Ano, ti ke lau pe toka fia Iselaele mo Suta.

Uluaki tosi o Sau 10:9

Ke fakafetai ki le Eteleno, lou Atua, leia na tuku ia kiate koe le kalasia ke nofo i le ekeekeaga fakasau o Iselaele ! E tupu ko le alofa lee gato o le Eteleno ki Iselaele, leia kua fakanofo ai a koe e le Eteleno ko le sau o tupu ke ke fai le fakamaau mo le faitotonu.

Lua tosi o Sau 17:18

Koia na ita lasi ai le Eteleno ki Iselaele, o fakamamao a ia mei ona mata. Na toe loa le faasiga o Suta toka tasi.

Lua tosi o Sau 17:20

Na tiaki loa e le Eteleno le lanu katoa o Iselaele ; ti na fakamamae e ia latou, ti na tuku e ia latou ki lima o le kau maumau, ti na fakaoki loa e ia ki le kapu o latou ke mamao mei ona mua.

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 24:20

Ti na soko loa le nea lena o tupu ko le sausau o le Eteleno ki Selusalemi mo Suta, ala na loto a ia ke tiaki mei ona mata. Ti na fai loa e Setesiasi se agatuu ki le sau o Papilone.

Lua tosi o Koloniko 36:13

Na agatuu foki a ia ki le sau ko Nepukatenesale, leia na fakamaua ia a ia ke fakapapau i le suafa o le Atua ; ti na fakafefeka loa e ia lona ua mo lona loto, o leaise toe liliu a ia ki le Eteleno, le Atua o Iselaele.

Esetalasi 4:15

Ke fai ni afaafa i le tosi fakamanatu o ou tamana ; ti e ke maua loa ti e ke tio loa i le tosi lena ko le kolo leinei ko se kolo agatuu mo fakalialia ki le sau mo puleaga, ti na agatuu a ia talu mei le temi mua. Koia leia na maumaui ai le kolo leinei.

Taagapati 28:2

Ka maveuveu se fenua, e toka api le kau pule ; Kae kapau sau se tagata atamai mo poto, e tologa lana sau.

Ekelesiasi 10:16

Malaia ki le fenua leia ko lona sau ko se toe, ti ko ona tama aliki e kai fai mei le usu !

Esaia 19:4

Ti e pati le Eteleno o kau tau : E kau tuku loa Esipito ki lima o se pule itaita ; E pule loa se sau veli kia latou.

Esaia 3:1

Ko leinei ka too loa e le Aliki, le Eteleno o kau tau, I Selusalemi mo Suta, A fanakiaga fuli mo tokoi fuli, Io, a tokoi fuli o le pane Ti mo tokoi fuli o le vai,

Esaia 36:5

E kau fakasa atu kiate koe, ko masau noa fuli ana : e aoga ki le tau le poto mo le makeke. Ko ai leia kua ke tuku ki ai lau fanaki, ke ke agatuu ai kiate au ?

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 7:15

Ti e kau tiaki loa koutou ke mamao i oku mata, Ofaipe laku tiaki ia okoutou fetaina fuli, Le sakoga katoa o Efalaimi.