Selemia 52:17 - Tosi Tapu

¹⁷ Na maumaui loa e le kau Kaletea a fa pou sila ala na tuu i le fale o le Eteleno, mo fakatafito, mo le tanoa sila leia na tuu i le fale o le Eteleno, ti na lotou fetuku le sila katoa ki Papilone.

Selemia 52:17 ပူးပေါင်းရင်းမြစ်များ

Uluaki tosi o Sau 7:50

Mo pesini, mo sele, mo ipu, mo ipu kavei, ti mo tanakiaga malala, mo saniele o le matapa o le potu taputapu ti mo le matapa o le potu tapu ; na lotou aulo mea fuli.

Lua tosi o Sau 20:17

Ko leinei, e soko mai loa le temi leia e ave ai loa ki Papilone a nea fuli ala e tuku i lou fale, ti mo nea ala na tanaki e ou tamana o kaku mai ki le aso nei ; e folafola le Eteleno : E leaise toe loa se nea fua e tasi.

Lua tosi o Koloniko 36:18

Na ave loa e Nepukatenesale ki Papilone a nea gaoi fuli o le fale tapu o le Atua, a nea lalasi mo nea liliki, mo koloa o le fale o le Eteleno, ti mo koloa o le sau mo ana kau pule.

Selemia 52:20

Na leai se iloa le mamafa o fa pou e lua, mo le tanoa, mo pipi sila e kau agafulu tupu lua ala na tuu ai le tanoa, mo nea ala na fai e le sau ko Salomone ki le fale o le Eteleno.

Tagi laulau a Selemia 1:10

Na falo e le tagata fakaveliveli lona lima Ki nea mauiga fuli na maua e ia ; Na tio a ia ki le ulu o atu puleaga ki lona sagatualio, Ala na ke tapui ki ai ke ulu ki lau fakatasiga.

Esekiele 40:49

Ti na meta kau agafulu le loa o le kogafale ti na meta lima vaelua lona laulasi. Na pale ki ai i ni fa takakega e kau agafulu. Na teu e ni fa pou lalasi e lua le matapa, o tasi i le tasi fetuu, ti tasi i le tasi fetuu.

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.