Selemia 51:9 - Tosi Tapu

⁹ Na motou loto ke fakamauli Papilone, kae na leaise mauli a ia. Tou tiaki a ia, ti ke tasi ano le tagata ki lona fenua ; Talie kua kaku lona tautea ki le lagi, Ti kua pale a ia o kaku ki ao.

Selemia 51:9 ပူးပေါင်းရင်းမြစ်များ

Lua tosi o Koloniko 28:9

Na nofo i ai se polofeta a le Eteleno, na igoa ko Oteto. Na ano loa a ia o fakafetaulaki ki le solia leia na toe liliu mai ki Samalia, ti na pati loa a ia kia latou : Ko le sausau o le Eteleno, le Atua o okoutou tamana, ki Suta, leia na tuku atu ai e ia latou ki okoutou lima, ti kua kotou tamate fakaveliveli latou i le lasi o lokoutou ita leia kua pale o kaku ki le lagi.

Esetalasi 9:6

ti na kau pati : Ei loku Atua, e kau nofo i le mafaia ti e kau luma, ei loku Atua, i le tio kiate koe ; talie kua fakalaka amatou agaveli i omatou ulu, ti kua kaku amatou agasala ki le lagi.

Esaia 13:14

Koia, ofaipe se tia na i, Pe se kau manu kua sala tagata tausi, E tasi maliu loa le tagata ki lona kakai, Ti e tasi sola loa le tagata ki lona fenua.

Esaia 47:15

Ko lena loa le anoaga o latou ala na ke pakia i le afa ki ai. Ti ko latou ala na faikoloa mo koe talu mei lou ikiiki E mavetevete loa o tasi ano ki lona fetuu : E leaise au loa se tasi o tokoi kiate koe.

Selemia 46:16

E fakatukia e ia se toka api ; E lotou sisiga leia ki leia, ti e lotou pati : Tou ano, tou toe liliu ki lotatou kakai, Ki lotatou fenua tupu, O mamao i le seleta maumau !

Selemia 46:21

E saele ana kau solia totogi mo ia ofaipe ni uviki pipi na fakapepeti. Kae ko latou foki, e lotou titua, e lotou sosola fuli sala ga fakatutuu fua. Talie kua soko le aso o lolatou malaia, Le aso o lolatou tautea.

Selemia 50:16

Kotou fakapuli i Papilone leia e muluki fakaili mo leia e too ia le sele piko i le temi tuuti o le fulumeto ! I mua o le seleta maumau, Ke tasi liliu le tagata ki lona kakai, Ke tasi sola le tagata ki lona fenua.

Selemia 8:20

Kua oki le temi tuuti o le fulumeto, kua oki le temi vevela, Kae e leaise fakamauli tatou !

Oseo 7:13

Malaia kia latou, talie e lotou sosola iate au ! Maumau kia latou, o tupu kua lotou agatuu kiate au ! E kau loto loa ke fakamauli latou, Kae e lotou fai kiate au ni masau loi.

Apokalipisi 18:4

Ti na kau logo loa ki se tasi ake a leo mei le lagi, na pati : Ei loku kakai, kotou mavae meiate ia, o tupu ke aua na kotou kau i ana agasala, ti ke aua na kotou kau i ona malaia.

Apokalipisi 18:5

Talie kua fakatuuga ana agasala o kaku ki le lagi, ti kua manatui e le Atua ana agaveli.