Selemia 51:8 - Tosi Tapu

⁸ Fokifa kua vilo Papilone, o fatifati ! Kotou tagi kiate ia, kotou too se lolo ke faitoo ai lona lavea. E lagi toe mauli loa a ia !

Selemia 51:8 ပူးပေါင်းရင်းမြစ်များ

Esaia 21:9

Ti ko leinei, kua au se tagata i se saliote leia e toso e ni osi ! Ti kua fakamavaa e ia lona gutu, o kalaga : Kua vilo a ia, kua vilo a ia, a Papilone, Ti kua fatifati a fakatata fuli o ona atua i le kele !

Esaia 47:11

E au loa le malaia kiate koe, Kae e leaise ke tio loa ki lana au ; E vilo loa le tautea kiate koe, Kae e leaise toe mafai loa ke ke malui a koe ; E vilo fakaofolele loa le maumau kiate koe, I le temi leia na leaise ke talitali ki ai.

Esaia 47:9

Ko nea ana e lua e soko fakapunamauli loa kiate koe, i le aso e tasi, Lau nofo sala fanau ti mo lau nofo lokonui ; E la vilo fakaagatonu loa kiate koe, Logo ai le mauke o au puleaki fakatemonio fuli, Logo ai le lasi o au fakalaulaakau.

Selemia 46:11

Pale ki Kalaate, too se lolo faitoo, Taine taupoou, taine o Esipito ! E leaise uiga o lau liuliuga faitoo, Talie e leaise ke toe mauli loa.

Selemia 48:20

Kua luma Moape, talie kua fati a ia. Kotou tagi laulau ti kotou tagi leo lasi ! Kotou fakasa i Alenone Kua maumaui Moape !

Selemia 48:31

Koia leia e kau tagi ai kia Moape, E kau tagi kia Moape katoa ; E kau tagi ki le kakai o Kile-Elesi.

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Selemia 51:41

Kolea ! Kua too Sesake ! Kua lava leia na fakaapele ia le malama nei katoa ki lona kololia ! Kolea koia, kua maumaui Papilone i loto malie o atu puleaga !

Selemia 8:22

Pe leaise maua se faitoo i Kalaate ? Pe leai se toketa ? Kolea e leaise fai ai le fakamauli o le taine o loku kakai ?

Esekiele 30:2

Vosa o le tagata, kikite, ti ke pati : E folafola le Aliki, le Eteleno, o pati : Kotou tagi laulau !… Ei aso malaia !

Taniela 5:24

Koia kua kakau mai e ia le potupotu o le lima lena, leia na tosi ia le nea lena.

Taniela 5:31

Ti na too loa e Taliusi, tagata Mete, le puleaga, i lona fetuu kau ono tupu lua.

Naume 3:19

E leai se faitoo ki lou lavea, E mateia lou lavea. Ko latou fuli ala e logo loa ki le masau kiate koe E pasipasi loa olatou lima kiate koe ; Talie ko ai leia na leaise kaku ki ai lou agaveli ?

Apokalipisi 14:8

Ti na muli loa iate ia se tasi ake aselo, ko se lua aselo a ia, o pati : Kua vilo Papilone, kua vilo le kolo lasi, leia na fakainu ia a puleaga fuli ke kona ki le vino o lana fai feauaki fakaii !

Apokalipisi 18:2

Ti na kalaga leo lasi loa a ia, o pati : Kua vilo Papilone lasi, kua vilo a ia ! Kua liliu a ia ko se nofoaga o temonio, ko se tanakiaga o laumalie kelekele fuli, ko se tanakiaga o manu lele fuli e kelekele mo fakalialia,