Selemia 51:7 - Tosi Tapu

⁷ Ko Papilone ko se ipu aulo i le lima o le Eteleno, Leia na fakakona ia le malama nei katoa ; Na inu e atu puleaga lana vino : Koia e totogi loa kiate ia o mulimuli ki ana gaoi.

Selemia 51:7 ပူးပေါင်းရင်းမြစ်များ

Esaia 14:4

E ke too loa le sua leinei ki le sau o Papilone, Ti e ke pati loa : E a koia ! kua puli le tagata tukipo ! Kua gato le popula !

Selemia 13:13

Ti e ke pati loa kia latou : E folafola le Eteleno, o pati : Ko leinei, e kau fakaapele loa a kakai fuli o le fenua leinei, A sau ala e nonofo i le ekeekeaga fakasau o Tavite, Mo le kau faisakilifisio, mo le kau polofeta, mo le kakai katoa o Selusalemi, E kau fakaapele loa latou fuli ki le vino ke konana.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 50:38

Ke vilo le tau laa ki ona vai ! ke lotou mamasa ! Talie ko se fenua o taulaatua ; Kua lotou valelea ki olatou taulaatua.

Esekiele 23:42

Na logo ki ni kalaga a se kakai toka api leia na fakafiafia mo ia ; Ti na maua i le kakai toka api lena ni tagata mei le toafa o Sape, Ala na velo ia ni matemate ki lima o le tautaina, Ti mo ni pala fulumalilie ki ola ulu.

Taniela 2:32

Na aulo le fa ulu o le fakatata ; na siliva ona lima ; na sila lona manava mo ona tega ;

Taniela 2:38

kua toe soli foki e ia ki ou lima, i ganea fuli ala e lotou nonofo ai, a fanau a tagata, mo manu o le vao, mo manu lele o le lagi, ti kua tuku e ia kiate koe le pule kia latou fuli : ko koe leia ko le fa ulu aulo.

Apokalipisi 14:8

Ti na muli loa iate ia se tasi ake aselo, ko se lua aselo a ia, o pati : Kua vilo Papilone, kua vilo le kolo lasi, leia na fakainu ia a puleaga fuli ke kona ki le vino o lana fai feauaki fakaii !

Apokalipisi 17:2

Na fai feauaki a ia mo sau o le malama nei, ti na kona le kakai o le malama nei i le vino o lana fai feauaki.

Apokalipisi 17:4

Ti na kofu le fafine lena ki ni kofu kula fakapouli mo kula malama, ti na teuteu a ia ki le aulo, mo fatu mauiga, ti mo fuai kasoa. Ti na too e ia i lona lima se ipu aulo, kua apele i nea fakalialia mo kelekele o lana fai feauaki.

Apokalipisi 18:23

E leaise toe sa loa iate koe le ula o le malama, ti e leaise toe logo loa iate koe ki le leo o le tagata avaga mo le fafine avaga ; talie ko lau kau fai koloa ko le kau makeke a ia o le malama nei, ti na ke kakai a puleaga fuli ki au nea fakatemonio,

Apokalipisi 18:3

talie kua inu e puleaga fuli le vino o le sausau o lana fai feauaki, ti kua fai feauaki mo ia a sau o le malama nei, ti kua mou koloa a kau fai koloa o le malama nei i le makeke o lona koloa fakalialia.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.