Selemia 51:57 - Tosi Tapu

⁵⁷ E kau fakainu loa ona sau ke konana, Mo ona kau poto, mo ona kovana, mo ona pule, mo ona tagata solia ; E lotou momoe loa i se moe lee gato, ti e leaise lotou toe ala loa, E pati le sau, leia e suafa ko le Eteleno o kau tau.

Selemia 51:57 ပူးပေါင်းရင်းမြစ်များ

Esaia 37:36

Na ulu mai loa le aselo o le Eteleno, o tamate i le nofolaga solia o le kau Asilia, a tagata solia e tino lelau tino valu tupu lima afe. I le ala usu ake, ko leinei kua lotou mamate fuli.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Selemia 13:13

Ti e ke pati loa kia latou : E folafola le Eteleno, o pati : Ko leinei, e kau fakaapele loa a kakai fuli o le fenua leinei, A sau ala e nonofo i le ekeekeaga fakasau o Tavite, Mo le kau faisakilifisio, mo le kau polofeta, mo le kakai katoa o Selusalemi, E kau fakaapele loa latou fuli ki le vino ke konana.

Selemia 25:27

E ke pati loa kia latou : E folafola le Eteleno o kau tau, le Atua o Iselaele, o pati : Kotou inu, kotou konana, kotou lulua, Ti kotou sisiga o leaise toe tuu ki aluga, Mo ka kotou tio loa ki le seleta leia e kau kakau atu loa kia koutou !

Selemia 46:18

E kau mauli ! e pati le sau, Leia e igoa ko le Eteleno o kau tau : Ofaipe le Tapole i loto malie o atu mauga, Ofaipe le Kalemelo leia e oso ki le tai, E au loa le fili.

Selemia 48:15

Kua maumaui Moape, kua vela ona kolo, Kua tamate le kau lalasi o lona kau tagata tupulaga, E pati le sau, leia e igoa ko le Eteleno o kau tau.

Selemia 50:30

Koia e vivilo loa ona kau tupulaga i ala, Ti e mamate loa ona tagata tau fuli i le aso lena, E pati le Eteleno.

Selemia 51:39

Kae ka lotou kamata velaia loa, e kau fakainu loa latou, E kau fakainu loa latou ke konana, ke lotou fakafiafia, Ti ke lotou momoe o talu oki, e leaise lotou toe ala ake loa, e pati le Eteleno.

Esekiele 20:33

E kau mauli ! E pati le Aliki, le Eteleno, e kau pule loa kia koutou, ki loku lima makeke mo loku lima falo, ti mo le liligi o loku sausau.

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Naume 3:18

E tulemomoe au tagata tausi manu ; E malolo au tagata tau makeke ; Kua mavete lou kakai i atu mauga, Ti e leaise tasi e fakatasi ia a ia.

Malakia 1:14

Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Apokalipisi 18:9

Ti ko sau fuli o le malama nei, ala na fai feauaki mo ia ti na mauli mo ia i le mou koloa lasi, e tagi loa mo lauga loa o tupu ko ia, mo ka lotou tio loa ki le afu o lona vela.