Selemia 51:56 - Tosi Tapu

⁵⁶ Io, kua oso le tagata maumau kiate ia, ki Papilone ; Kua too a tagata tau o Papilone, Kua fatifati alatou kalolo. Talie ko le Eteleno ko se Atua e totogi ia ki le tagata taki toka tasi o mulimuli ki ana gaoi, Ti e soli ia ki le tagata taki toka tasi lona totogi.

Selemia 51:56 ပူးပေါင်းရင်းမြစ်များ

Senesi 49:24

Kae na tuu makeke aifai lana kalolo, Ti na fakamakeke ona lima E lima o le Atua makeke o Sakopo : Koia leia na liliu ai a ia ko le tagata tausi manu, mo le utu o Iselaele.

Pesalemo 137:8

Taine o Papilone, leia na maumau, Manuia leia e liufaki atu ia kiate koe, Le veli leia na ke fai kia matou !

Pesalemo 37:15

Kae e ulu alatou seleta ki olatou mafu totonu, Ti e fatifati alatou gasau.

Pesalemo 46:9

Ke kotou au, ke kotou tio ki gaoi a le Eteleno, Ki maumau ala na fai e ia i le malama nei !

Pesalemo 76:3

E tuu lona falela i Selusalemi, Ti ko lona nofoaga i Sione.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 34:8

Talie ko se aso o le totogi ki le Eteleno, Ko se fetuu o le liufaki o nea ala na fai ki Sione.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 59:18

E liufaki loa e ia ki le tagata taki toka tasi o mulimuli ki ana gaoi, Le sausau kia latou ala na vesia kiate ia, Le totogi ki ona fili, E tuku loa e ia le totogi ki atu motu.

Selemia 49:35

E folafola le Eteleno o kau tau, o pati : Ko leinei, e kau fatii loa le kalolo a Elame, Lona makekeaga tafito.

Selemia 50:10

Ti e tuku loa Kaletea ke maumaui ti ke kaia, Ti e makokona loa latou ala e kaia ia loa a ia, e pati le Eteleno.

Selemia 50:36

Ke siki le seleta ki polofeta loi, ke lotou faipe ni tagata valelea ! Ke siki le seleta ki ona tagata toa, ke lotou i !

Selemia 51:24

E kau totogi loa ki Papilone mo le kakai katoa o Kaletea Le veli katoa leia na lotou fai ki Sione i okoutou mata, E pati le Eteleno.

Selemia 51:30

E leaise koi tau a tagata tau o Papilone, E lotou nonofo i kolo tau ; Kua oki lolatou makeke, kua lotou faipe ni fafine. Kua tuku le afi ki nofoaga, Kua fatifatii a fakamaumau o matapa o le kolo.

Selemia 51:48

Ki Papilone e sua fakafiafia loa le lagi mo le kele, Ti mo nea fuli i ai ; Talie e au loa kiate ia le tagata maumau mei le noleto, E pati le Eteleno.

Selemia 51:53

Ka malaga loa Papilone o kaku ki le atu lagi, Ka fakamakeke loa e ia ona kolo tau ke aua na toe too, E kau kakau loa kiate ia ni tagata maumau, e pati le Eteleno…

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Tagi laulau a Selemia 3:64

Ei Eteleno, tuku kia latou se totogi O mulimuli ki le gaoi o olatou lima ;

Esekiele 39:3

E kau fatii loa lau gasau i lou lima sema, Ti e vivilo loa au gasau i lou lima atamai.

Esekiele 39:9

Ti e ulu loa ki fafo a kakai o kolo o Iselaele, E lotou tae loa ti e lotou tutu loa a masafu tau, A paletau liliki mo paletau lalasi, A kalolo mo gasau, A suki mo tao. E lotou tafu loa se afi ki nea ana i fetuu e fitu.

Amosi 2:15

Ko leia e too ia le kalolo e leaise mafai loa ke tuu, Ko leia e vae maamaa e leaise sao loa, Ti e leaise saofaki loa e le tagata ekeosi lona mauli ;

Apetiasi 1:15

Talie kua ofi mai le aso o le Eteleno, ki atu puleaga fuli ; E fai loa kiate koe o mulimuli ki le nea leia na ke fai. E vilo loa au gaoi ki lou ulu.

Apakuki 2:8

O tupu na ke kaia ni puleaga mauke ai, E kaia loa a koe e le toetoega fuli o kakai ; Talie na ke liligi le toto o ni tagata, Na ke fai ni agamakeke i le fenua, Ki le kolo mo lona kakai katoa.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Apokalipisi 17:16

Ti ko tala e kau agafulu ala na ke tio ki ai ti mo le manu, e vesia loa ki le fafine fai feauaki, ti e lotou too loa ana nea fuli, kae lotou tuku telefua loa a ia ; ti e lotou kai loa ona kanofi, kae lotou tutu loa a ia i se afi.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.

Uluaki tosi a Samuele 2:4

Kua fatii le kalolo a le kau tagata makeke, Ti kua kilipipi ki le makeke le kau gagae.