Selemia 51:5 - Tosi Tapu

⁵ Talie e leaise tiaki Iselaele mo Suta e lola Atua, E le Eteleno o kau tau, Ti kua apele le fenua o le kau Kaletea i agasala Ki le Sagato o Iselaele.

Selemia 51:5 ပူးပေါင်းရင်းမြစ်များ

Uluaki tosi o Sau 6:13

e kau nofo loa i loto malie o fanau a Iselaele, ti e leaise kau tiaki loa loku kakai ko Iselaele.

Lua tosi o Sau 21:16

Na liligi foki e Manase le toto mea o lasi ai, o kaku ki le fakaapele o Selusalemi mei leia a potu ki leia a potu, kae kese fai a agasala fuli ala na fai e ia ti na fakaagasalai ai e ia a Suta, o fai le nea leia e veli ki mata o le Eteleno.

Esetalasi 9:9

Talie e motou popula, kae na leaise tiaki matou e le Atua i le lolotoga o lomatou popula. Kua fakaliliu e ia a sau o Pelesi ke alofa kia matou, o fakamauli matou, mo fakataga ke motou fakatuu le fale o lomatou Atua, o toe fakafoou ona potu kua maumau, ti mo tuku kia matou se malolo i Suta mo Selusalemi.

Pesalemo 94:14

Talie e leaise fakanoai e le Eteleno lona kakai, E leaise tiaki e ia lona tofiga ;

Esaia 44:21

Manatui a nea ana, ei Sakopo ! Ei Iselaele ! talie ko laku tagata fakasausau a koe ; Na kau gaoi a koe, ko laku tagata fakasausau a koe ; Iselaele, e leaise kau toe galoi loa a koe.

Esaia 51:15

Ko au ko le Eteleno, lou Atua, Leia e lagai ia le tai ti na fakagugulu ia ona galu. Ko lona igoa ko le Eteleno o kau tau.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Selemia 14:19

Pe kua ke tiaki loa a Suta ? Pe kua fakalialia lou laumalie ki Sione ? Kolea kua ke taai ai matou, kae e leaise fakamauli matou ? Na motou amanaki malie ki le tokamalie, kae e leaise soko se nea e malie, Ki se aso o le fakamauli, kae ko leinei ko le mamae fakaii !

Selemia 14:9

Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 16:18

E kau uluaki soli loa kia latou le totogi o lalatou agaveli mo lalatou agasala o liuga lua, O tupu na lotou fakakelekele loku fenua, O tupu na lotou fakaapele loku tofiga Ki alatou taulaatua mamate ti mo olatou atua fakalialia.

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 23:15

Koia e folafola ai le Eteleno o kau tau, o pati ki le kau polofeta : Ko leinei, e kau fagai loa latou ki le laakau kona, Ti e kau fakainu loa latou ki se vai kona ; Talie kua mafola le tausi veli ki le Atua i le fenua katoa O tupu ko kau polofeta o Selusalemi.

Selemia 31:37

E folafola le Eteleno, o pati : Kapau e mafai ke fuafua a atu lagi i aluga, Kapau e mafai ke ulu o kaku ki fakatafito o le kele, Ti e kau tiaki loa le sakoga katoa o Iselaele, O tupu ko nea fuli ala na lotou fai, e pati le Eteleno.

Selemia 46:28

Ko koe, laku tagata fakasausau ko Sakopo, aua na ke i ! e pati le Eteleno ; Talie e kau nofo mo koe. E kau fakapuli loa a atu puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie leaise mafai ke kau tuku a koe sala tautea.

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Selemia 51:19

Kae e leaise tatau mo latou le vaega o Sakopo ; Talie ko ia leia na fau ia nea fuli, Ti ko Iselaele ko le kakai o lona tofiga. Ko le Eteleno o kau tau ko lona suafa.

Esekiele 8:17

Ti na pati mai loa a ia kiate au : Pe ke tio, vosa o le tagata ? Pe koi ikiiki aifai ki le fale o Suta a nea fakalialia ala e lotou fai i leinei ? Pe tonu foki ke lotou fakaapele le fenua ki tukipo, ti ke aua na lotou tuku loku fakaitaitai ? Ko leinei, e lotou fakafeofi le laakau ki olatou isu.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.

Oseo 2:1

Kae e tatau loa le api o fanau a Iselaele mo le one o le tai, leia e leaise feala ke fua pe ke lau ; ti e leaise toe pati loa kia latou : E leaise ko loku kakai koutou ! Kae pati loa kia latou : Vosa o le Atua mauli !

Oseo 2:3

Kotou pati ki okoutou fetaina : Ami ! (loku kakai) ki okoutou tuagaane : Lusama ! (fafine leia kua tuku ki ai le manava alofa).

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 4:2

Kae ko lauveli, mo loi, mo tukipo, mo kaia, mo tono ; Kua masani le fakamakeke, kua sosolo le tukipo.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Sakalia 12:6

I le aso lena, e kau fakaliliu loa a pule o Suta Ke faipe se mata afi kaka i loto o se tuuga fafie, Pe se taume ulaula i se tuuga penu ; E lotou kai loa i le fetuu atamai mo le fetuu sema a kakai fuli ala e takatakai ia latou, Ti e nofo loa Selusalemi i lona nofoaga, i Selusalemi.

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Sakalia 2:12

E maua loa e le Eteleno a Suta ko lona vaega I le kele maokioki, Ti e toe filifili loa e ia Selusalemi.

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.