Selemia 51:44 - Tosi Tapu

⁴⁴ E kau tautea loa Pele i Papilone, E kau tatai loa mei lona gutu le nea leia na folo e ia, Ti e leaise toe feoso loa a atu puleaga kiate ia. Kua siga foki ki lalo le paa o Papilone !

Selemia 51:44 ပူးပေါင်းရင်းမြစ်များ

Lua tosi o Koloniko 36:7

Na ave loa e Nepukatenesale ki Papilone a nea gaoi o le fale o le Eteleno, ti na tuku loa e ia latou ki lona fale sau i Papilone.

Sopo 20:15

Na folo e ia ni koloa, e luluai loa e ia latou ; E kapu loa latou e le Atua mei lona manava.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 21:9

Ti ko leinei, kua au se tagata i se saliote leia e toso e ni osi ! Ti kua fakamavaa e ia lona gutu, o kalaga : Kua vilo a ia, kua vilo a ia, a Papilone, Ti kua fatifati a fakatata fuli o ona atua i le kele !

Esaia 60:5

Ti e ke soposopo loa i le fiafia, ti e ke fakafiafia loa ; E ta vave loa lou mafu ti e makita loa a ia i le fiafia, Mo ka tau mai loa a koloa o le tai kiate koe, Mo ka kaku mai loa a koloa o atu puleaga kiate koe.

Selemia 50:15

Kotou fai kiate ia se kalaga o le tau mei potu fuli ! E falo e ia ona lima ; E sisiga ona fakatafito, E sosolo ona paa. Talie ko le sausau o le Eteleno. Kotou totogi kiate ia le veli ! Kotou fai kiate ia ofaipe le nea na fai e ia !

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Selemia 51:18

Ko nea noa latou, ko se gaoiaga kaka, E lotou pupuli loa, mo ka kaku mai loa le tautea.

Selemia 51:34

Ko Nepukatenesale, sau o Papilone, na kai ia au ti na maumaui ia au ; Na fakaliliu e ia au ko se ipu masa ; Pe se talakone, na folo e ia au, Na fakaapele e ia lona manava ki nea ala na mauiga kiate au ; Na kapu e ia au.

Selemia 51:47

Koia ko leinei, e au a aso Ala e kau tautea ai loa a taulaatua o Papilone, Ti e apele loa lona fenua katoa i le luma ; E vivilo loa ona mate fuli i loto malie o ona.

Selemia 51:53

Ka malaga loa Papilone o kaku ki le atu lagi, Ka fakamakeke loa e ia ona kolo tau ke aua na toe too, E kau kakau loa kiate ia ni tagata maumau, e pati le Eteleno…

Selemia 51:58

Koia e folafola ai le Eteleno o kau tau : E sisiga loa ki lalo a paa matotolu o Papilone, E tutu loa e le afi ona matapa taualuga. O tupu ke aua na aoga le gaoi a kakai, Ti ke pakia noa a atu puleaga.

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 4:1

Ko le sau ko Nepukatenesale, ki kakai fuli, mo puleaga, mo tagata o masau kesekese fuli, e nonofo i le malama nei katoa. Ke soli atu kia koutou le tokamalie o lasi !

Taniela 4:22

ko koe totonu a ia, ei sau, leia kua liliu o lasi mo makeke, ti kua kaku lou logologona lasi ki le lagi, ti kua kaku lau pule ki potupotu o le malama nei.

Taniela 5:19

O tupu ko le mauiga leia na tuku e le Atua Taualuga kiate ia, na i fuli a kakai, mo puleaga, mo tagata mei faasiga masau kesekese i ona mua. Na fakatotonu e le sau ke tamate latou ala e loto a ia ki ai, ti na tuku e ia le mauli kia latou ala na loto a ia ki ai ; na siki e ia ki aluga latou ala na loto a ia ki ai ; ti na tuku e ia ki lalo latou ala na loto a ia ki ai.

Taniela 5:26

Ti ko leinei le uiga o kupu ana : Lau : kua lau e le Atua lou puleaga, ti kua fakagato e ia a ia.

Taniela 5:31

Ti na too loa e Taliusi, tagata Mete, le puleaga, i lona fetuu kau ono tupu lua.