Selemia 51:34 - Tosi Tapu

³⁴ Ko Nepukatenesale, sau o Papilone, na kai ia au ti na maumaui ia au ; Na fakaliliu e ia au ko se ipu masa ; Pe se talakone, na folo e ia au, Na fakaapele e ia lona manava ki nea ala na mauiga kiate au ; Na kapu e ia au.

Selemia 51:34 ပူးပေါင်းရင်းမြစ်များ

Sopo 20:15

Na folo e ia ni koloa, e luluai loa e ia latou ; E kapu loa latou e le Atua mei lona manava.

Pesalemo 74:13

Na ke vaelua le tai i lou mafimafi, Na ke fatifatii a ulu o le talakone lasi o le tai ;

Taagapati 1:12

Tou folo mauli latou, ofaipe le nofoaga o le kau mate, Tou folo katoa latou, ofaipe latou ala e ifo ki le popoko.

Esaia 34:11

E maua loa a ia e le pelikano mo le eliso, E nonofo loa i ai le lulu mo le kolopo. E fao loa i ai le afo o le lavaki, Ti mo le nivo o le maumau.

Esaia 42:22

Kae ko se kakai kua kaia ona koloa, ti kua nofo telefua ! Kua saisai latou fuli ki ni tini i ni ana, Ti kua fufu latou i ni fale pilisoni ; Kua tuku latou ki le kaia, ti e leaise tasi fua ke saofaki ia latou ! Kua kaia olatou koloa fuli, ti e leaise pati se tasi : Ke toe fakaliliu !

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 50:7

Ko latou fuli ala na maua ia latou na kai ia latou, Ti na pati olatou fili : E leaise motou sala fua, Talie na lotou agasala ki le Eteleno, ki le nofoaga o le faitotonu, Ki le Eteleno, le amanaki malie o olatou tamana.

Selemia 51:44

E kau tautea loa Pele i Papilone, E kau tatai loa mei lona gutu le nea leia na folo e ia, Ti e leaise toe feoso loa a atu puleaga kiate ia. Kua siga foki ki lalo le paa o Papilone !

Selemia 51:49

Ei kau mate o Iselaele, e vilo loa Papilone Ofaipe lana fakavilo a mate i le fenua katoa.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Tagi laulau a Selemia 2:16

Kua fakamaga e ou fili fuli olatou gutu kiate koe ; E lotou mapu ; e lotou uuti olatou nifo ; E lotou pati : Na motou folo a ia ! Ko le aso maoki ai leia na motou talitali ki ai, kua motou kaku ki ai, kua motou tio ki ai !

Esekiele 36:3

Kikite, o pati : E folafola le Aliki, le Eteleno : Io, o tupu kua loto mei potu fuli ke maumaui koutou mo folo koutou, Ke kotou liliu ko le kele o ni puleaga kese, O tupu kua kotou liliu ko le nea gologolo mo lauveli a atu kakai,

Oseo 8:8

Kua folo Iselaele ! Kua lotou nofo i le temi nei i loto malie o atu puleaga Ofaipe se ipu leia e leaise mauiga.

Amosi 8:4

Kotou fakalogo mai ki le nea leinei, koutou ala e kai ia le kau mativa, Ti e maumaui ia le kau fakaaloalofa o le fenua !

Naume 2:2

Kua saele le tagata maumau kiate koe, Ninive. Taupau le kolo tau ! Leoleo le ala ! Teuteu le tau ! Tanaki lou makeke katoa !…

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.