Selemia 51:32 - Tosi Tapu

³² Kua ulu i matapa, Kua tutu a nofolaga solia e le afi, Kua gagae a tagata tau.

Selemia 51:32 ပူးပေါင်းရင်းမြစ်များ

Esaia 44:27

E kau pati ki le vanu loloto : Ke ke malo, E kau fakamasa loa ou vaitafe.

Esaia 47:14

Ko leinei, e lotou faipe le kaui fulumeto leia e susunu e le afi. E leaise lotou fakamauli loa olatou mauli mei ula : E leaise ko se malala loa a ia ke fakamafana ai, E leaise ko le afi loa a ia ke tonatona i ona tafa.

Selemia 51:30

E leaise koi tau a tagata tau o Papilone, E lotou nonofo i kolo tau ; Kua oki lolatou makeke, kua lotou faipe ni fafine. Kua tuku le afi ki nofoaga, Kua fatifatii a fakamaumau o matapa o le kolo.

Selemia 51:31

Kua fakafelavei a tagata ave tosi, Kua sosoko a tagata avelogo, O fakasa ki le sau o Papilone Kua too lona kolo mei potu fuli.

Selemia 51:33

Talie e folafola le Eteleno o kau tau, le Atua o Iselaele : Kua fai le taine o Papilone pe se ganea ta fulumeto i le temi e takatakafi ai le fulumeto ; Koi toe fai le ga temi ikiiki ti soko mai lona temi ta ofaipe le fulumeto.

Selemia 52:7

Ti na fai loa se pu i le kolo, ti na sosola loa a tagata tau fuli, o mavae mei le kolo i le pouli, i le matapa leia i loto o paa e lua, feofi ki le oloto o le sau, kae na lolotoga takatakai le kolo e le kau Kaletea. Na too loa e latou ala na sosola le ala ki le toafa.