Selemia 51:2 - Tosi Tapu

² E kau kakau ki Papilone ni tagata ta fulumeto, ala e ta ia loa a ia, Ala e fakalavaki ia loa lona fenua. E lotou oso mai loa kiate ia mei potu fuli, I le aso o le malaia.

Selemia 51:2 ပူးပေါင်းရင်းမြစ်များ

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 43:14

Ko leinei le folafola a le Eteleno, Lokoutou Fakamauli, le Sagato o Iselaele : O tupu ko koutou, e kau kakau le fili ki Papilone, Ke laku ia ki lalo a loka fuli, Ti e liliu loa, i le kau Kaletea, a kalaga fakafiafia ko ni tagi laulau.

Selemia 15:7

E kau fute latou ki le matagi i matapa o le fenua ; E kau too alatou fanau, ti e kau maumaui loku kakai, Leia na leaise tafoki mei ona ala.

Selemia 50:29

Kotou kalagai ki Papilone le kau faikalolo, koutou fuli ala e poto i le kalolo ! Kotou takatakai a ia, ke aua na sao se tasi ! Kotou totogi kiate ia o mulimuli ki ana gaoi ! Kotou fai katoa kiate ia o mulimuli ki le nea na fai e ia ! Talie na malaga a ia i le fia nealasi ki le Eteleno, Ki le Sagato o Iselaele.

Selemia 50:32

E seke loa le taine fia nealasi o vilo ki lalo, ti E leaise toe lagai loa a ia ki aluga e se tasi. E kau tuku loa le afi ki ona kolo, Ti e kai loa e ia ona tafatafa fuli.

Esekiele 5:12

E mate loa le tolu vaega o lou kakai i le masaki veli ti mo le oge i loto malie o ou ; ti e mate loa le tasi vaega i le seleta i ou tafatafa ; ti e kau veteki loa le tasi vaega ki matagi fuli, ti e kau tuli loa latou ki le seleta.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.