Selemia 51:19 - Tosi Tapu

¹⁹ Kae e leaise tatau mo latou le vaega o Sakopo ; Talie ko ia leia na fau ia nea fuli, Ti ko Iselaele ko le kakai o lona tofiga. Ko le Eteleno o kau tau ko lona suafa.

Selemia 51:19 ပူးပေါင်းရင်းမြစ်များ

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Pesalemo 73:26

E feala ke gaegae loku tino mo loku loto : Kae ko le utu o loku loto mo loku vaega ko le Atua, o lee gato.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Pesalemo 33:12

Manuia le puleaga leia e Atua ki le Eteleno ! Manuia le kakai leia na filifili e ia ko lona tofiga !

Esaia 47:4

Ko lomatou fakamauli, ko leia e igoa ko le Eteleno o kau tau, Ko le Sagato o Iselaele.

Tagi laulau a Selemia 3:24

E pati loku laumalie : Ko le Eteleno ko loku vaega, Koia e kau fia amanaki malie ai kiate ia.

Selemia 50:11

Io, kotou nonofo i le fiafia, mo le nekenekea, Koutou ala na maumaui ia loku tofiga ! Io, kotou soposopo ofaipe se uviki pipi fafine i le mutie, Kotou tagi ofaipe ni osi itaita !

Pesalemo 135:4

Talie na filifili e le Eteleno kiate ia Sakopo, Iselaele, ke liliu ko lona tofiga.

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Pesalemo 74:2

Manatui lou kakai leia na ke totogi i mua ; Manatui a faasiga ala na ke totogi ko lou tofiga ! Manatui le mauga o Sione, leia na ke fai ai lou nofoaga ;

Pesalemo 16:5

Ko le Eteleno ko loku inati mo loku kalise. Ko koe leia e taupau kiate au loku vaega.

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.

Selemia 10:12

Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Selemia 33:2

E folafola le Eteleno, leia e fai ia a nea ana, Le Eteleno, leia e fakakaukau ia latou ti e fakasoko ia latou, Leia e igoa ko le Eteleno :

Selemia 50:34

Kae e makeke leia e totogi ia latou, Leia e igoa ko le Eteleno o kau tau. E puipui loa e ia lolatou mauli, O tupu ke tuku le malolo ki le fenua Ti ke lulu le kakai o Papilone.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Selemia 51:5

Talie e leaise tiaki Iselaele mo Suta e lola Atua, E le Eteleno o kau tau, Ti kua apele le fenua o le kau Kaletea i agasala Ki le Sagato o Iselaele.