Selemia 51:18 - Tosi Tapu

¹⁸ Ko nea noa latou, ko se gaoiaga kaka, E lotou pupuli loa, mo ka kaku mai loa le tautea.

Selemia 51:18 ပူးပေါင်းရင်းမြစ်များ

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Esaia 19:1

Folafola ki Esipito. Ko leinei, kua eke le Eteleno i se ao gasolo, o au ki Esipito ; Ti kua lulu a taulaatua o Esipito i ona mua, Ti kua gaegae le loto o le kau Esipito.

Esaia 2:18

E pupuli loa a taulaatua fuli.

Esaia 46:1

Kua fakapulou a Pele, ti kua vilo a Nepo. Kua teki ola fakatata ki ni manu, ki ni pipi ; Kua amo laua pe se kavega, ti kua mafaia ai a manu ti kua lotou gaegae foki.

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Selemia 10:11

E kotou masau loa kia latou, o pati : Ko atua ala na leaise fakatupu ia le lagi mo le kele E pupuli loa i le kele mo le lalo lagi.

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Selemia 46:25

E pati le Eteleno o kau tau, le Atua o Iselaele : Ko leinei, e kau tautea loa Amone, le atua o No, Falaone, mo Esipito, mo ona atua ti mo ona sau, Falaone ti mo latou ala e fanaki kiate ia.

Selemia 48:7

Talie, o tupu na ke fanaki ki au gaoi mo ou koloa, Ko koe foki, e ke too loa, Ti e ano loa Kemosi o popula, Mo ona kau pelepitelo ti mo ona kau pule.

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Esekiele 6:6

I ganea fuli ala e kotou nonofo ai, e maumau loa okoutou kolo, Ti e tiaki loa okoutou ganea taualuga ; E popo loa okoutou aletale o tuu noa, Ti e fatifatii loa okoutou taulaatua o pupuli, Ti e laku loa okoutou fakatata o le laa ki lalo, Ti e puli noa loa akoutou gaoiaga fuli.

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.