Selemia 51:14 - Tosi Tapu

¹⁴ Na fakapapau le Eteleno o kau tau iate ia totonu : Io, e kau fakaapele loa a koe ki ni tagata ofaipe ni seseivaka ; Ti e lotou fai loa kiate koe ni kalaga tau.

Selemia 51:14 ပူးပေါင်းရင်းမြစ်များ

Pesalemo 105:34

Na folafola loa a ia, ti na sa loa ni seseivaka, Ala na leaise mafai ke lau,

Selemia 44:26

Kotou fakalogo mai ki le folafola a le Eteleno, koutou fuli ko kakai o Suta ala e nonofo i le fenua o Esipito ! E pati le Eteleno : Ko leinei, e kau fakapapau i loku suafa taualuga, e leaise toe too loa loku suafa e le gutu o se tagata fuai e tasi o Suta, ti e leaise pati loa se tasi i le fenua katoa o Esipito : E mauli le Aliki, le Eteleno !

Selemia 46:23

E lotou sele lona vaomatua, e pati le Eteleno, Logo ai le faigataa o le ulu ki ai ; Talie e lotou toka api ake i seseivaka, E leaise mafai ke lau latou.

Selemia 49:13

Talie e kau fakapapau iate au totonu, e pati le Eteleno, E liliu loa Potesela ko se nea fakaofolele mo fakalumaluma, Ko se nea maumau mo fakamalaia, Ti e liliu loa ona kolo fuli ko ni tuuga nea maumau o lee gato.

Selemia 50:15

Kotou fai kiate ia se kalaga o le tau mei potu fuli ! E falo e ia ona lima ; E sisiga ona fakatafito, E sosolo ona paa. Talie ko le sausau o le Eteleno. Kotou totogi kiate ia le veli ! Kotou fai kiate ia ofaipe le nea na fai e ia !

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !

Soele 2:25

E kau fetogi atu loa kia koutou a fetuu Ala na kai e le seseivaka, Mo le lauka, mo le asile, mo le kasame, Laku solia lasi leia na kau kakau atu kia koutou.

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Epelo 6:13

Talie ko le Atua, i lana fai le fakapapau kia Apalaamo, na leaise mafai ke fakamaoki a ia i se tasi leia e lasi ake iate ia, koia na fakamaoki loa a ia iate ia totonu,

Tuifakamaau 6:5

Talie na lotou pale loa mo alatou kau manu ti mo olatou falela, na lotou ano ofaipe se ao seseivaka, na lotou api lasi ai, latou mo olatou kamelo, ti na lotou au loa ki le fenua ke maumaui a ia.