Selemia 51:12 - Tosi Tapu

¹² Kotou toso ki aluga se manumanu ki paa o Papilone ! Kotou fakamakeke a nofolaga solia, Kotou fakatuu ni tagata leo, kotou fakatuu ni masele ! Talie kua fai e le Eteleno se fakapapau, Ti e fai e ia le nea leia na puaki e ia ki Papilone.

Selemia 51:12 ပူးပေါင်းရင်းမြစ်များ

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 13:2

Kotou fakatuu se manumanu i se mauga tula, Kotou kalaga kia latou, Kotou taukalo ki le lima, Ti ke lotou ulu i matapa o le kau tukipo !

Selemia 23:20

E leaise toe fimalie loa le sausau o le Eteleno, O kaku ki le oki o lana fakasoko, mo lana fai a fakatuutuu o lona loto. E kotou matala loa ki ai i temi ki muli.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Selemia 50:25

Koia na fakamavaa ai e le Eteleno lona fale masafu tau, Ti na too e ia i ai a masafu o lona sausau ; Talie ko se gaoi lena a le Aliki, a le Eteleno o kau tau, I le fenua o le kau Kaletea.

Selemia 51:11

Kotou fakamatakakai a gasau, Kotou too a paletau ! Kua fakamakeke e le Eteleno a loto o sau o Meti, Talie kua loto a ia ke maumaui Papilone ; Talie ko le lagavaka a le Eteleno, Le lagavaka o lona fale tapu.

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !

Selemia 51:29

E galulu le kele, e lulu a ia ; Talie e fakasoko ki Papilone le fakatuutuu a le Eteleno ; E fakaliliu loa e ia le fenua o Papilone ko se toafa sala kakai.

Tagi laulau a Selemia 2:17

Kua fai e le Eteleno le nea leia na fakatuutuu e ia, Kua fakasoko e ia le folafola leia na fakatuutuu e ia talu mei fualoa, Kua maumaui e ia sala alofa ; Kua fakaliliu e ia a koe ko le fiafiaaga o le fili, Kua lagai e ia le makeke o latou ala e fakamamae ia a koe.

Soele 3:2

E kau fakatasi loa a atu puleaga fuli, Ti e kau fakaifo loa latou ki le vaivailiua o Sosafate ; I ai, e kau fakamaau loa latou, O tupu ko loku kakai, o tupu ko Iselaele, loku tofiga, Leia na lotou fakamavetevete i atu puleaga, O tupu ko loku fenua leia na lotou vae ia latou.

Naume 2:1

Ko leinei i aluga o mauga A vae o le tagata avelogo leia e fakasa ia le tokamalie ! Suta, fai ou aso lalasi, fakasoko au fakapapau ! Talie e leaise toe ano loa le tagata agaveli i loto malie o ou, Kua motusi oki a ia…

Sosue 8:14

I le pogipogi usu, i le tio a le sau o Ai ki le kakai o Iselaele, na fakatavili loa a ia o ulu ki fafo o le kolo mo lana solia katoa, ke taui a ia. Na ano loa le sau mo lona kakai katoa, ki se ganea leia kua fakatotonu ki ai, i le fetuu o le toafa, ti na leaise iloa e ia le solia leia kua mumuni i ona muli.