Selemia 51:11 - Tosi Tapu

¹¹ Kotou fakamatakakai a gasau, Kotou too a paletau ! Kua fakamakeke e le Eteleno a loto o sau o Meti, Talie kua loto a ia ke maumaui Papilone ; Talie ko le lagavaka a le Eteleno, Le lagavaka o lona fale tapu.

Selemia 51:11 ပူးပေါင်းရင်းမြစ်များ

Uluaki tosi o Sau 11:14

Na lagai loa e le Eteleno se fili kia Salomone : Ko Atate, le tagata Etome, mei le famili sau o Etome.

Uluaki tosi o Sau 11:23

Na toe lagai loa e le Atua se tasi ake a fili kia Salomone : Ko Lesone, vosa o Eliata, leia na sola mei le fale o lona pule ko Atatesele, sau o Tesopa.

Uluaki tosi o Koloniko 5:26

Na eke fakamakeke loa le Atua o Iselaele le loto o Pulu, sau o Asilia, mo le loto o Tilekate-Pilenesele, sau o Asilia, ti na ave popula loa e Tilekate-Pilenesele a vosa o Lupeni, mo vosa o Kate, mo le vaelua o vosa o le faasiga o Manase, ti na taki loa e ia latou ki Salaki, mo Sapole, mo Ala, ti mo le vaitafe o Kosani, leia na lotou nonofo ai loa o kaku mai ki le aso nei.

Lua tosi o Koloniko 36:22

I le uluaki fetuu o Silusi, sau o Pelesi, o tupu ke fakasoko le folafola a le Eteleno leia na fakasa e le gutu o Selemia, na fafagu loa e le Eteleno le laumalie o Silusi, sau o Pelesi, leia na fakatotonu ia loa ke fai i lona puleaga katoa le lagiaki leinei ki le masau gutu mo ni tosi :

Esetalasi 1:1

I le uluaki fetuu o Silusi, sau o Pelesi, na fakasoko loa e le Eteleno le folafola leia na fakasa e le polofeta ko Selemia. Na fafagu loa e le Eteleno le laumalie o Silusi, sau o Pelesi, leia na fakasa ia loa mo fai ia loa le tosi leinei i lona puleaga katoa :

Esaia 10:26

E siki loa e le Eteleno o kau tau le suipi kiate ia, Ofaipe lana taai Matiane i le utu o Olepe ; Ti, ofaipe lana siki lana tokotoko ki le tai, E toe siki loa e ia a ia, ofaipe lana fai i Esipito.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 21:5

Kua teuteu le laupapa kai, kua leo le kau leo, kua kai mo inu… : Ki aluga, kau pule ! Kotou takai lolo a paletau !

Esaia 41:25

Na kau lagai se tagata mei le potu noleto, ti na au a ia ; I le potu esite, e too e ia loku igoa ; E takatakafi e ia le kau lalasi ofaipe le pela, Ofaipe le kele kula leia e takatakafi e le tagata faiipu.

Esaia 45:1

Ko leinei le folafola a le Eteleno ki lana filifiliia, ko Silusi,

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esaia 46:11

Ko au leia e kalagai ia mei le potu esite se manu lele fekai, Mei se kele mamao se tagata ke fakasoko ia aku fakatuutuu, Na kau fakasa a ia, ti e kau fai loa a ia ; Na kau fakakaukaui a ia, ti e kau fakasoko loa a ia.

Selemia 25:25

Ki sau fuli o Simeli, Ki sau fuli o Elame, Ti mo sau fuli o Meti ;

Selemia 46:3

Kotou teuteu le paletau ikiiki mo le paletau lasi, Ti kotou saele ki le tau !

Selemia 46:4

Kotou fakagutu a osi, Kotou eke ki osi, kau ekeosi ! Kotou au mo okoutou puloga tau, kotou fakagigila akoutou tao, Kotou tui le kofu tau !…

Selemia 46:9

Kotou pale, osi ! Kotou makape, saliote ! Ke lotou sa mai, a tagata toa, Latou o Etiopia mo Puti ala e too ia le paletau, Ti mo latou o Lute ala e faikalolo !

Selemia 50:25

Koia na fakamavaa ai e le Eteleno lona fale masafu tau, Ti na too e ia i ai a masafu o lona sausau ; Talie ko se gaoi lena a le Aliki, a le Eteleno o kau tau, I le fenua o le kau Kaletea.

Selemia 50:3

Talie kua pale mai se puleaga mei le potu noleto kiate ia, ti e fakaliliu loa e ia lona fenua o toafa, ti e leaise toe maua loa se tagata i ai ; e sosola loa a tagata mo manu, o ano.

Selemia 50:45

Koia kotou fakalogo mai ki le fakapapau leia na fai e le Eteleno ki Papilone, Ti mo fakatuutuu ala na fai e ia ki le fenua o le kau Kaletea ! E maoki e toso loa latou ki fafo ofaipe ni ovi gagae, E maoki e kaia loa lolatou nofoaga.

Selemia 50:9

Talie ko leinei, e kau lagai loa kia koutou Ni puleaga lalasi mo mauke ai mei le potu noleto ; E lotou pale loa ki Papilone, E lotou tau loa kiate ia, ti e lotou too loa a ia ; E fai alatou gasau pe se tagata poto i le tau, Leia e leaise se toe liliu noa.

Selemia 51:12

Kotou toso ki aluga se manumanu ki paa o Papilone ! Kotou fakamakeke a nofolaga solia, Kotou fakatuu ni tagata leo, kotou fakatuu ni masele ! Talie kua fai e le Eteleno se fakapapau, Ti e fai e ia le nea leia na puaki e ia ki Papilone.

Selemia 51:24

E kau totogi loa ki Papilone mo le kakai katoa o Kaletea Le veli katoa leia na lotou fai ki Sione i okoutou mata, E pati le Eteleno.

Selemia 51:35

Ke vilo ki Papilone le totogi o oku lavea mo le veli leia na fai e ia kiate au ! E pati le kakai o Sione. Ke vilo loku toto ki le kakai o Kaletea ! E pati Selusalemi.

Selemia 51:36

Koia e folafola ai le Eteleno, o pati : Ko leinei, e kau puipui loa a koe, E kau totogi loa le veli leia na fai kiate koe ! E kau fakamalo loa le tai o Papilone, Ti e kau fakamasa loa lona matapuna vai.

Taniela 5:30

I le po fai lena, na tamate loa Pelesatesale, sau o le kau Kaletea.

Soele 3:10

Kotou fau ni seleta ki sele o akoutou saliote ! Ti mo ni tao ki akoutou sele tuuti fulumeto. Ke pati leia e manava veli : E kau makeke !

Soele 3:9

Kotou fakasa a nea ana i lotolotoga o atu puleaga ! Kotou teuteu ki le tau ! Kotou fafagu a tagata toa ! Ke lotou fakafeofi mai, ke lotou pale mai, Tagata tau fuli !

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Sakalia 14:12

Ko leinei le malaia leia e taai loa ki ai e le Eteleno a kakai fuli Ala na tau loa ki Selusalemi. E pala loa olatou tino kae koi lotou tutuu i olatou vae, Ti e maluluku loa i le pala olatou mata i olatou pokoi mata, Ti e vilo loa i le pala lolatou alelo i lolatou gutu.

Sakalia 14:2

E kau fakatasi loa a atu puleaga fuli ke lotou osoi Selusalemi. E too loa le kolo, e kaia loa a fale, ti e fakamakeke loa a fafine. E ano loa le vaelua o le kolo ki le popula. Kae e feala loa ke nofo le toega o le kakai i le kolo.