Selemia 50:7 - Tosi Tapu

⁷ Ko latou fuli ala na maua ia latou na kai ia latou, Ti na pati olatou fili : E leaise motou sala fua, Talie na lotou agasala ki le Eteleno, ki le nofoaga o le faitotonu, Ki le Eteleno, le amanaki malie o olatou tamana.

Selemia 50:7 ပူးပေါင်းရင်းမြစ်များ

Pesalemo 71:5

Talie ko laku amanaki malie ko koe, Aliki Eteleno ! E kau fanaki kiate koe talu mei loku ikiiki.

Pesalemo 79:7

Talie na lotou kai Sakopo o oki, ti na maumaui lona nofoaga.

Pesalemo 90:1

Kole a Moisese, le tagata a le Atua. Aliki ! Na ke fai kia matou ko se ulufaga, I tautupu ki tautupu.

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Esaia 47:6

Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Esaia 56:9

Koutou fuli, manu o faisaga, Kotou au o kai, koutou fuli, manu o le vao !

Esaia 9:12

Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Selemia 10:25

Liligi lou sausau ki atu puleaga ala e leaise iloa ia a koe, Ti mo kakai ala e leaise fetapa ki lou suafa ! Talie e lotou kai Sakopo, e lotou kai a ia, e lotou tutu a ia ke okioki, E lotou maumaui lona nofoaga.

Selemia 14:8

Ko koe leia ko le fanakiaga o Iselaele, Lona fakamauli i le aso o le mamae, Kolea e ke fai ai loa pe se matapule i le fenua, Pe se tagata fanoga leia e ulu ki ai o moe i le pouli ?

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 2:3

Na fakatapu Iselaele ki le Eteleno Na liliu a ia ko uluaki fua o lona tupu. Ko latou fuli ala na kai kiate ia na agasala, Ti na vilo le malaia kia latou, e pati le Eteleno.

Selemia 31:23

E folafola le Eteleno o kau tau, le Atua o Iselaele, o pati : Ko leinei foki le tasi a nea e toe masau loa ki ai i le fenua o Suta ti mo ona kolo, Mo ka kau toe aumai loa olatou kau popula : Ke tapuaki le Eteleno kiate koe, nofoaga o le faitotonu, Mauga maokioki !

Selemia 33:15

I aso ana ti mo le temi lena, E kau fakatupu loa kia Tavite se uli Maokioki ; E fai loa e ia le faitotonu mo le maoki i le fenua.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Selemia 50:14

Kotou fakaatu ki le tau, ti kotou takatakai Papilone, koutou fuli ala e faikalolo ! Kotou fana akoutou kalolo kiate ia, aua na kotou tuku noa a gasau ! Talie na agasala a ia ki le Eteleno.

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 50:33

Koia e folafola ai le Eteleno o kau tau, o pati : E taomia fakatasi fanau o Iselaele mo fanau o Suta ; Ti ko latou fuli ala na ave ia latou ki le popula e taofi ia latou, Ti e leaise lotou loto ke toe tuku ake latou.

Esekiele 34:5

Na lotou mavetevete talie na leaise lotou maua se tagata tausi ovi ; na lotou liliu ko le nea kai a manu fuli o le vao, koia na lotou mavetevete ai.

Esekiele 35:12

E ke iloa loa ko au, le Eteleno, Na kau logo ki lauveli fuli Ala na ke fai ki mauga o Iselaele, O pati : Kua la maumau, Kua tuku mai laua ko se nea kai kia matou.

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Taniela 9:6

Na leaise motou fakalogo ki au tagata fakasausau, le kau polofeta, ala na masau i lou suafa ki omatou sau, mo omatou pule, mo omatou tamana, ti mo le kakai katoa o le fenua.

Sakalia 1:15

Ti kua kau mamae lasi ki puleaga fia nealasi ; talie na ikiiki fai loku mamae i mua, kae kua lotou fakalasi a ia.

Sakalia 11:5

Ko latou ala e totogi ia latou e tamate fakavalevale ia latou, Ko leia e fakatau ia latou e pati : Ke fakafetai ki le Eteleno, talie kua kau mou koloa ! Ti e leaise saofaki latou e olatou tagata tausi manu.

Uluaki tosi kia Timoteo 1:1

Ko au Paulo, apositolo a Sesu-Kilisito i le fakatotonu a le Atua lotatou Fakamauli ti mo Sesu-Kilisito lotatou amanaki malie,