Selemia 50:4 - Tosi Tapu

⁴ I aso ana, i le temi lena, e pati le Eteleno, e toe liliu fakatasi loa fanau o Iselaele mo fanau o Suta ; E lotou saele tagi loa, Ti e lotou afa loa le Eteleno, lolatou Atua.

Selemia 50:4 ပူးပေါင်းရင်းမြစ်များ

Lua tosi o Koloniko 7:14

kapau e fakataulalo loa loku kakai leia e too ki ai loku suafa, mo faikole loa, mo afa ia loa oku mata, ti kapau e fakasemala loa a ia mo maliu loa a ia mei ona ala veveli, e kau tali loa a ia mei lagi, e kau fakamolemole loa lana agasala ti e kau fakamauli loa lona fenua.

Pesalemo 105:4

Kotou afa le Eteleno mo lana tokoi, Kotou afa tuumau ona mata !

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Esaia 55:6

Kotou afa le Eteleno koi maua a ia ; Kotou fetapa kiate ia koi nofo a ia i okoutou tafa.

Esaia 63:4

Talie na nofo i loku loto se aso o le totogi, Ti kua soko mai le fetuu o loku kakai na totogi.

Selemia 31:31

E pati le Eteleno : E soko mai loa a aso, Ala e kau fai ai loa mo le fale o Iselaele mo le fale o Suta, Se sai foou,

Selemia 33:15

I aso ana ti mo le temi lena, E kau fakatupu loa kia Tavite se uli Maokioki ; E fai loa e ia le faitotonu mo le maoki i le fenua.

Selemia 41:6

Ti na mavae loa a Isemaele, vosa o Netania, mei Misipa ki olatou mua ; na saele tagi a ia. I le felavei loa mo latou, na pati loa a ia kia latou : Kotou au kia Ketalia, vosa o Asikame.

Esekiele 16:61

E ke toe manatui loa lau faiaga katoa, ti e ke luma loa, mo ka e ke tali loa ou fetaina, ou taokete mo ou ga taina ; ti e kau soli atu loa latou kiate koe ko ou taineliki, kae e leaise tupu ko lau sai.

Esekiele 39:25

Koia e folafola ai le Aliki, le Eteleno, o pati : I le aso nei e kau toe aumai loa le kau popula o Sakopo, E kau alofa loa ki le fale katoa o Iselaele, Ti e kau finenonofo loa ki loku suafa maokioki.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Soele 2:12

I le aso nei foki, e pati le Eteleno, Kotou toe liliu mai kiate au i lokoutou loto katoa, Mo ni sesunio, mo ni tagi, ti mo ni tagi laulau !

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Sakopo 4:9

Kotou logoi lokoutou fakaaloalofa ; kotou nonofo i le putu mo loimata ; ke liliu lakotou kata ko se putu, ti mo lokotou fiafia ko se mamae.