Selemia 50:2 - Tosi Tapu

² Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Selemia 50:2 ပူးပေါင်းရင်းမြစ်များ

Pesalemo 64:9

Ko lolatou alelo na fakatupu ia lolatou vilo ; Ko latou fuli ala e tio kia latou e lu olatou ulu.

Pesalemo 96:3

Kotou fakamatala lona kololia i le lotolotoga o atu puleaga, Ana gaoi fulumalie i le lotolotoga o atu kakai fuli !

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 13:2

Kotou fakatuu se manumanu i se mauga tula, Kotou kalaga kia latou, Kotou taukalo ki le lima, Ti ke lotou ulu i matapa o le kau tukipo !

Esaia 21:9

Ti ko leinei, kua au se tagata i se saliote leia e toso e ni osi ! Ti kua fakamavaa e ia lona gutu, o kalaga : Kua vilo a ia, kua vilo a ia, a Papilone, Ti kua fatifati a fakatata fuli o ona atua i le kele !

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Esaia 39:1

I le temi foki lena, na fakamomoli loa e Melotake-Palatane, vosa o Palatane, sau o Papilone, se tosi mo se nea alofa kia Esekiasi, talie na logo loa a ia ki lona masaki mo lona toe mauli.

Esaia 46:1

Kua fakapulou a Pele, ti kua vilo a Nepo. Kua teki ola fakatata ki ni manu, ki ni pipi ; Kua amo laua pe se kavega, ti kua mafaia ai a manu ti kua lotou gaegae foki.

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 48:6

E ke logo ! fakakaukau ki nea fuli ana ! Ti ko koutou, pe leaise kotou fakamaoki loa ki ai ? I le aso nei, e kau fakasa kiate koe ni nea foou, Na fufu, na leaise iloa iate koe.

Selemia 10:11

E kotou masau loa kia latou, o pati : Ko atua ala na leaise fakatupu ia le lagi mo le kele E pupuli loa i le kele mo le lalo lagi.

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 4:16

Kotou fakasa a ia ki atu puleaga, kotou fakasa a ia ki Selusalemi : E au se kau tau mei se fenua mamao ; E lotou kalaga ki kolo o Suta.

Selemia 4:6

Kotou toso se manumanu o fakaagaaga ki Sione ; Kotou sosola, aua na kotou toe tutuu ! Talie e kau kakau loa mei le potu noleto le malaia Ti mo se maumau lasi.

Selemia 46:14

Kotou fakasa a ia i Esipito, Kotou fakasa a ia i Miketoli, Kotou fakasa a ia i Nofi mo Takepanese ! Kotou pati : Tuu ki aluga, teuteu, Talie e kai le seleta i ou tafa !

Selemia 50:46

I le logo ki le too o Papilone, e galulu le malama nei, Ti e logo se tagi i lotolotoga o atu puleaga.

Selemia 51:12

Kotou toso ki aluga se manumanu ki paa o Papilone ! Kotou fakamakeke a nofolaga solia, Kotou fakatuu ni tagata leo, kotou fakatuu ni masele ! Talie kua fai e le Eteleno se fakapapau, Ti e fai e ia le nea leia na puaki e ia ki Papilone.

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !

Selemia 51:31

Kua fakafelavei a tagata ave tosi, Kua sosoko a tagata avelogo, O fakasa ki le sau o Papilone Kua too lona kolo mei potu fuli.

Selemia 51:44

E kau tautea loa Pele i Papilone, E kau tatai loa mei lona gutu le nea leia na folo e ia, Ti e leaise toe feoso loa a atu puleaga kiate ia. Kua siga foki ki lalo le paa o Papilone !

Selemia 51:47

Koia ko leinei, e au a aso Ala e kau tautea ai loa a taulaatua o Papilone, Ti e apele loa lona fenua katoa i le luma ; E vivilo loa ona mate fuli i loto malie o ona.

Selemia 51:52

Koia e pati ai le Eteleno, ko leinei, e soko mai loa a aso, Ala e kau tautea ai loa ona taulaatua ; Ti e logo ai loa ki tagi mamae a le kau lavevea i lona fenua katoa.

Selemia 51:8

Fokifa kua vilo Papilone, o fatifati ! Kotou tagi kiate ia, kotou too se lolo ke faitoo ai lona lavea. E lagi toe mauli loa a ia !

Selemia 52:31

I le fetuu kau tolu tupu fitu o le popula a Sosakimi, sau o Suta, i le aso kau lua tupu lima o le masina kau agafulu tupu lua, na lagai loa e Evile-Melotake, sau o Papilone, le ulu o Sosakini, sau o Suta, o fakamavae a ia mei le pilisoni, i le uluaki fetuu o lana sau.

Selemia 6:18

Koia kotou fakalogo mai, ei atu puleaga ! Ke kotou iloa le nea leia e soko loa kia latou, fakatasiga a atu kakai !

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.

Taniela 3:14

Ti na masau loa Nepukatenesale, o pati kia latou : Pe maoki, Satalake, mo Mesake, mo Apeteneko, e leaise kotou tausi ki oku atua, ti e leaise kotou atolasio ki le fakatata aulo leia na kau fakatuu ia ?

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Apokalipisi 18:2

Ti na kalaga leo lasi loa a ia, o pati : Kua vilo Papilone lasi, kua vilo a ia ! Kua liliu a ia ko se nofoaga o temonio, ko se tanakiaga o laumalie kelekele fuli, ko se tanakiaga o manu lele fuli e kelekele mo fakalialia,