Selemia 5:8 - Tosi Tapu

⁸ O tatau mo ni kau osi kua makokona ti e makape saele, E lotou tasi oli ki le avaga o lona oloi.

Selemia 5:8 ပူးပေါင်းရင်းမြစ်များ

Senesi 39:9

E leaise lasi ake a ia iate au i le fale leinei, ti e leaise tapui e ia se nea kiate au, gato fua kiate koe, talie ko lana avaga a koe. E feaki loa ke kau fai se nea veli fenaaki kiate ia, ti ke kau toe agasala ai ki le Atua ?

Sopo 31:9

Ti kapau na sese loku loto i se fafine, Ti kapau na kau lamalama a ia i le matapa o loku oloi,

Ekesote 20:14

Aua na ke tono.

Ekesote 20:17

Aua na ke manumanu loa ki le fale o lou oloi ; aua na ke manumanu loa ki le avaga o lou oloi, pe ko lana tagata fakasausau, pe ko lana fafine fakasausau, pe ko lana pipi, pe ko lana asino, pe ko se nea fua leia e maua e lou oloi.

Taagapati 6:29

E tatau foki mo leia e ano ki le avaga o lona oloi : Ko leia e fafa kiate ia e leaise nofo loa sala tautea.

Selemia 13:27

Kua kau tio ki au fai tono, mo ou oli veli, Mo au faiaga i mauga liliki mo faisaga, Ti kua kau tio ki au nea fakalialia. Malaia kiate koe, Selusalemi ! E ke talitali loa kiafea, ke fakamea a koe ?

Selemia 23:10

Talie kua apele le fenua i tono ; Kua mamae le fenua o tupu ko le malaia ; Kua malo a potu faisaga o le toafa. Kua lotou makape ki le veli, Kua lotou makeke ata ki le fai o le agasala.

Selemia 29:23

Ti e soko loa le nea lena, o tupu kua la fai se nea fakalialia i Iselaele, o la tono mo avaga o ola oloi, ti mo la fakasa ni loi i loku suafa, kae na leaise kau tuku fua kia laua se fakatotonu. E kau iloa a nea ana, ti e kau fakamaoki ki ai, e pati le Eteleno.

Selemia 50:11

Io, kotou nonofo i le fiafia, mo le nekenekea, Koutou ala na maumaui ia loku tofiga ! Io, kotou soposopo ofaipe se uviki pipi fafine i le mutie, Kotou tagi ofaipe ni osi itaita !

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Esekiele 22:11

Ti kua tasi tono le tagata mo le avaga o lona oloi, ti kua tasi tono mo lona fugao totonu, ti kua tasi fai veli mo lona tuagaane totonu, taine totonu o lona tamana.

Tetelonome 5:18

Ke aua na ke tono loa.

Tetelonome 5:21

Ke aua na ke oli loa ki le avaga o lou oloi ; ke aua na ke manumanu loa ki le fale o lou oloi, pe ko lana faisaga, pe ko lana tagata fakasausau, pe ko lana fafine fakasausau, pe ko lana pipi tagata, pe ko lana asino tagata, pe ko se nea fua o lona fale.