Selemia 5:7 - Tosi Tapu

⁷ Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Selemia 5:7 ပူးပေါင်းရင်းမြစ်များ

Lua tosi o Koloniko 13:9

Pe na leaise kotou kapu ia a kau tagata faisakilifisio a le Eteleno, vosa o Alone, ti mo le kau Levi ? Pe na leaise kotou fakanofo ni tagata faisakilifisio kia koutou, ofaipe le kakai o la ake fenua ? Ka natu se tasi mo se uviki pipi tagata ti mo ni ovi e fitu, ke fakanofo a ia ko se tagata faisakilifisio, ti kotou fakanofo a ia ko se tagata faisakilifisio ki okoutou atua loi.

Sopo 31:12

E tatau loa laku sala mo se afi, leia e kai ia loa au o kaku ki le maumau, Ti e tutu ia loa aku nea fuli.

Pesalemo 50:18

Kapau e ke tio ki se tagata kaia, e ke fiafia mo ia, Ti e ke maua lou vaega i le kau tono.

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 13:27

Kua kau tio ki au fai tono, mo ou oli veli, Mo au faiaga i mauga liliki mo faisaga, Ti kua kau tio ki au nea fakalialia. Malaia kiate koe, Selusalemi ! E ke talitali loa kiafea, ke fakamea a koe ?

Selemia 16:11

Ti ke tali loa kia latou : Na tiaki au e okoutou tamana, e pati le Eteleno, Na lotou mulimuli i ni atua kese, Na lotou tausi kia latou ti na lotou punou i olatou mua. Na lotou tiaki au, ti na leaise lotou tausi laku lao.

Selemia 16:20

Pe mafai ke fai e le tagata ni atua, ala e leaise ko ni atua ?

Selemia 2:11

Pe i ai se puleaga leia e fetogi ia ona atua, Logo ai e leaise ko ni atua latou ? Kae na fetogi e loku kakai lona kololia ki se nea leia e leai sona ga aoga fua !

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 23:10

Talie kua apele le fenua i tono ; Kua mamae le fenua o tupu ko le malaia ; Kua malo a potu faisaga o le toafa. Kua lotou makape ki le veli, Kua lotou makeke ata ki le fai o le agasala.

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Selemia 7:9

Kolea ! Kaia, tukipo, tono avaga, Fakapapau loi, momoli iseso kia Paale, Tausi ki ni atua kese ala e leaise kotou iloa !…

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Tagi laulau a Selemia 3:42

Na motou agasala, ti na motou agatuu ! Na leaise ke fakamolemole !

Esekiele 22:11

Ti kua tasi tono le tagata mo le avaga o lona oloi, ti kua tasi tono mo lona fugao totonu, ti kua tasi fai veli mo lona tuagaane totonu, taine totonu o lona tamana.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Oseo 13:6

Na lotou kai makona i ni faisaga sesega ; Na lotou kai makona, ti na makita loa olatou loto i le fia nealasi ; Koia na lotou galoi ai au.

Oseo 4:2

Kae ko lauveli, mo loi, mo tukipo, mo kaia, mo tono ; Kua masani le fakamakeke, kua sosolo le tukipo.

Oseo 7:4

Ko latou fuli ko ni kau faiaga, Tatau mo se gutuumu na fakakaka e le tagata tao pane : E leaise koi sokosoko e ia le afi Mei le lusi o le falina o kaku ki lona tupu.

Levitiko 20:10

Kapau e fai loa e se tagata se tono mo se fafine avaga, kapau e fai loa e ia se tono mo le avaga o lona oloi, e tautea loa ki le mate le tagata mo le fafine ala na tono.

Amosi 8:14

E lotou fakapapau loa i le atua fakalialia o Samalia, Ti e lotou pati : Ke mauli lou Atua, Tane ! Ke mauli le ala o Pele-Sepa ! Kae e lotou vivilo loa, ti e leaise lotou toe tutuu loa ki aluga.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Uluaki tosi ki le kau Kolinto 6:9

Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Kalate 4:8

I mua, na leaise kotou iloa le Atua, ti na kotou tausi ki ni atua ala na leaise ko ni atua maoki ;

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.