Selemia 5:6 - Tosi Tapu

⁶ Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 5:6 ပူးပေါင်းရင်းမြစ်များ

Lua tosi o Koloniko 36:14

Na toe liuga foki e le kau pule fuli o le kau tagata faisakilifisio mo le kakai alatou agatuu, o fakatatau ki aga fakalialia fuli a atu puleaga ; ti na lotou fakakelekele loa le fale o le Eteleno, leia na fakatapui e ia i Selusalemi.

Esetalasi 10:10

Ti na tuu ake loa Esetalasi, le tagata faisakilifisio, o pati kia latou : Kua kotou agasala i lakoutou avaga mo ni fafine matapule, ti kua kotou fakalasi ai le agasala a Iselaele.

Esetalasi 9:6

ti na kau pati : Ei loku Atua, e kau nofo i le mafaia ti e kau luma, ei loku Atua, i le tio kiate koe ; talie kua fakalaka amatou agaveli i omatou ulu, ti kua kaku amatou agasala ki le lagi.

Sopo 10:16

Kae kapau e kau lagai a ia ki aluga, e ke tuli au ofaipe se laione, E ke toe taai au ki ni nea fakaii,

Pesalemo 104:20

E ke aumai le fakapouli, ti e pouli ; Ti e taugaoi loa a manu fuli o le vao ;

Pesalemo 80:13

Kolea na ke maumaui ai ona a, o tupu ai le tau o ona fua e latou fuli ala e fakalaka i ona tafa ?

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 59:12

Talie e lasi ai amatou patigataa i ou mua, Ti e fakamaoki amatou agasala kia matou ; E pipiki amatou agatuu kia matou, Ti e motou iloa amatou agaveli.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 2:15

E gugulu kiate ia a uviki laione, mo itaita kiate ia, Ti e lotou maumaui lona fenua. Kua tutu ona kolo, ti e leaise koi nofo i ai ni kakai.

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 25:38

Kua tiaki e ia lona nofoaga ofaipe le tiaki e le uviki laione o lona nofoaga ; Talie kua liliu lolatou fenua ko se toafa I nea fakalialia o le tau, Ti mo lona sausau lasi.

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Selemia 30:15

Kolea e ke tagi ai i lou kafo, Ti mo le mamae o lou lavea ? Kua kau fakamamae a koe ki nea ana O tupu ko le lasi o au agaveveli, Ti mo le mauke o au agasala.

Selemia 30:24

E leaise toe fimalie loa le sausau o le Eteleno, O kaku ki le oki o lana fakasoko, mo fai a fakatuutuu o lona loto. E kotou matala loa ki le nea lena i se temi ki muli.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 49:19

Ko leinei, tatau mo se laione, e pale a ia mei laugutu matasoka o le Solotane Ki le nofoaga makeke ; Fokifa e kau kapu loa Etome mei ai, Kae kau fakanofo loa kiate ia leia na kau filifili. Talie ko ai e tatau mo au ? Ko ai e tuku ia loa ni fakatotonu kiate au ? Ti ko ai le pule e mafai ke tuu loa i oku mua ?

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Selemia 8:7

Io, e iloa foki e le amatuku i le lagi lona temi leia e tonu ke ano ai ; E iloa foki e le lupe, mo le pekapeka, ti mo le amatuku Le temi leia e tonu ke lotou toe liliu ai ; Kae e leaise iloa fua e loku kakai le lao a le Eteleno.

Tagi laulau a Selemia 1:5

Kua malo latou na fakamamae ia a ia, kua fimalie ona fili ; Talie kua tuku a ia ki lalo e le Eteleno, O tupu ko le lasi o ana agasala ; Kua saele ana fanau ki le popula i mua o le fili.

Esekiele 16:25

Na ke fakatuu ou ganea taualuga i uluaga o ala fuli, ti na ke maumaui lou fulumalie, ti na ke soli a koe kia latou fuli ala na fakalaka i ou tafa, ti na ke liuliuga au faiaga.

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Esekiele 23:19

Kae na liuliuga e ia ana faiaga, O manatu ki aso o lona ikiiki, Leia na faiaga ai i le fenua o Esipito.

Taniela 7:4

Na fai le uluaki pe se laione, ti na maua e ia ni kapakau o le akuila ; na kau tio loa o kaku ki le temi leia na taaki ai loa ona kapakau ; na siki loa a ia mei le kele o fakatuu ki ona vae muli ofaipe se tagata, ti na soli loa kiate ia se mafu fakatagata.

Taniela 7:6

I le sili o le nea lena na kau tio loa, ti ko leinei na fai se tasi a manu pe se leopale, ti na tuu i lona tua ni kapakau e fa ofaipe se manu lele ; na maua e le manu lena ni fa ulu e fa, ti na soli kiate ia le pule.

Oseo 5:14

E kau fai loa pe se laione kia Efalaimi, Pe se uviki laione ki le fale o Suta ; Ko au, io ko au, e kau saei loa, ti e kau ano loa ; E kau fetuku loa, ti e leaise too loa e se tasi laku nea kai.

Apakuki 1:8

E gasolo ake ana osi i leopale, Ti e lotou makamu ake i lupo o le afiafi. E saele ana tagata eke osi i le fia nealasi, E au ana tagata eke osi mei mamao, E lotou lele ofaipe le akuila leia e oso ki lana nea kai.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.

Numelo 32:14

Ti ko leinei, e kotou toe fetogi ia okoutou tamana ofaipe ni uli o tagata agasala, ke asilisili veli ai le sausau o le Eteleno ki Iselaele.

Apokalipisi 13:2

Ko le manu leia na kau tio ki ai na faipe se leopale ; na fai ona vae pe vae o se uluso, ti na fai lona gutu pe le gutu o se laione. Ti na soli loa e le gata kiate ia lona makeke, mo lona ekeekeaga fakasau, ti mo se pule lasi.