Selemia 5:5 - Tosi Tapu

⁵ E kau ano loa ki le kau lalasi, ti e kau masau loa kia latou, Talie ko latou, e lotou iloa le ala o le Eteleno, Le lao o lolatou Atua ; Kae kua lotou fatii fulifuli le laakau taki, Kua lotou motusi a sai.

Selemia 5:5 ပူးပေါင်းရင်းမြစ်များ

Lua tosi o Koloniko 36:14

Na toe liuga foki e le kau pule fuli o le kau tagata faisakilifisio mo le kakai alatou agatuu, o fakatatau ki aga fakalialia fuli a atu puleaga ; ti na lotou fakakelekele loa le fale o le Eteleno, leia na fakatapui e ia i Selusalemi.

Ekesote 32:25

Na tio loa Moisese kua telefua le kakai, ti na tuku latou e Alone i le telefua lena, ke katai latou e ona fili.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Selemia 8:7

Io, e iloa foki e le amatuku i le lagi lona temi leia e tonu ke ano ai ; E iloa foki e le lupe, mo le pekapeka, ti mo le amatuku Le temi leia e tonu ke lotou toe liliu ai ; Kae e leaise iloa fua e loku kakai le lao a le Eteleno.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Esekiele 11:2

Ti na pati mai loa le Eteleno kiate au : Vosa o le tagata, ko ni tagata latou e fakakaukau ki le veli, ti e lotou tuku ia ni tokoi veveli i le kolo leinei.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Malakia 2:7

Talie e tonu ke taupau e laugutu o le tagata faisakilifisio le poto, Ti e tonu ke afa i lona gutu le lao, O tupu ko se tagata a ia na kakau mai e le Eteleno o kau tau.

Luka 18:24

Ko Sesu, i lana tio ki lona mamae, na pati loa : E faigataa ai kia latou ala e maua ia ni koloa ke ulu ki le puleaga o le Atua !

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.