Selemia 5:31 - Tosi Tapu

³¹ E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 5:31 ပူးပေါင်းရင်းမြစ်များ

Uluaki tosi o Sau 22:6

Na tanaki loa e le sau o Iselaele le kau polofeta, ko tino lelau e fa, ti na pati loa a ia kia latou : Pe kau ano loa o taui Lamoti i Kalaate, pe tonu ke kau fakafiti ki ai ? Ti na lotou tali loa : Pale, talie e tuku loa a ia e le Aliki ki lima o le sau.

Taagapati 17:4

E tokaga le tagata agaveli ki laugutu loi, Ti e tokaga le taliga o le tagata gutu loiloi ki le alelo fatufatu.

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Esaia 20:6

Ti e pati loa le kakai o le potu tai lena i le aso lena : Ko le ikuaga loa leinei o atatou amanaki malie ! Na tou fanaki ke tokoi mai a ia kia tatou, ke saofaki e ia tatou mei le sau o Asilia ! Ti e feaki loa lotatou sao ?

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esaia 43:27

Na agasala lou uluaki tamana, Ti na agatuu kiate au ou fakafofoga.

Esaia 47:7

Na ke pati : E kau fafine aliki loa o lee gato ! Na leaise ke tuku fua ki lou loto, Na leaise ke manatu fua e oki loa le nea a ia i se aso.

Selemia 12:4

E kaku loa ki afea le tagi o le kele, Ti mo le gini o le vao o faisaga fuli ? O tupu ko le agaveli o latou e nonofo i ai. Kua pupuli a manu vae fa mo manu lele, Talie lotou pati : E leaise tio loa a ia ki lotatou ikuaga.

Selemia 14:14

Ti na pati mai loa le Eteleno kiate au : Ko le loi lena na fakasa e le kau polofeta i loku suafa, Na leaise kau kakau latou, na leaise kau tuku kia latou se fakatotonu, Na leaise kau masau kia latou ; Ko ni tio loi ana, ni kikite loi, Ni kaka mei olatou loto, ala e lotou fakasa kia koutou.

Selemia 26:7

Na logo loa le kau faisakilifisio, mo le kau polofeta, mo le kakai katoa ki le fakasa e Selemia o folafola ana i le fale o le Eteleno.

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Tagi laulau a Selemia 4:13

Ko lena le fua o agasala o ona polofeta, Mo agaveli o ona tagata faisakilifisio, Ala na liligi ia i loto malie o ona Le toto o le kau agatonu !

Tagi laulau a Selemia 4:18

Kua lamalama omatou lakaaga, Ke aua na motou ano i omatou ala lalasi ; Kua ofi mai lomatou fakaoki, kua katoa omatou aso… Kua soko mai lomatou fakaoki !

Esekiele 13:10

E soko loa a nea ana o tupu e lotou kakaai loku kakai, O pati : Tokamalie ! kae e leaise tokamalie. Ti e fakatuu e loku kakai se paa, Kae ko latou, e lotou fakamomole aia ki se lase.

Esekiele 13:6

E vaiga alotou tio, ti e loi alatou kikite ; E lotou pati : Na pati le Eteleno ! Kae na leaise kakau fua latou e le Eteleno ; Ti e lotou tuku ke amanaki e soko loa alatou masau.

Esekiele 22:14

Pe ke loto makeke loa, pe e makeke loa ou lima i le aso leia e kau gaoi ai loa kiate koe ? Talie ko au, le Eteleno, kua kau masau, ti e kau fai loa.

Oseo 4:9

E tatau loa ki le tagata faisakilifisio mo le kakai : E kau tautea loa a ia o mulimuli ki ona ala, E kau totogi loa kiate ia o mulimuli ki ana gaoi.

Oseo 6:10

Kua kau tio ki ni nea fakalialia i le fale o Iselaele : I ai e faiaga Efalaimi, e fakakelekele Iselaele.

Oseo 9:5

Kolea e kotou fai loa i aso fakaalialiki, I aso lalasi o le Eteleno ?

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Mikea 2:6

E lotou pati : Aua na kotou kikite ! Ke aua na kotou kikite ni nea fenaaki ! E leaise koi oki a lauveli !

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Sofoni 3:4

E matasosoka mo kaka ona polofeta ; E maumaui e ana tagata faisakilifisio a nea tapu mo le lao.

Tetelonome 32:20

Koia na pati ai loa e ia : E kau fufu loa oku mata kia latou, Ti e kau tio loa pe kolea le nea leia ka soko loa kia latou ; Talie ko se tautupu agatuu, Ko ni vosa ala e leaise feala ke fanaki ki ai.

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.