Selemia 5:26 - Tosi Tapu

²⁶ Talie e maua i lotolotoga o loku kakai ni tagata agaveli ; E lotou lamalama ofaipe le tagata kapu manu lele, leia e fakatuu ia ni masele ; E lotou folasi ni kupega, ti e lotou tapo ni tagata.

Selemia 5:26 ပူးပေါင်းရင်းမြစ်များ

Pesalemo 64:5

Ke kaloloi fakafufu le tagata agatonu ; E lotou kaloloi fakapunamauli a ia, ti e leaise lotou maua ia fua se ga i.

Taagapati 1:11

Kapau e lotou pati : Au mo matou ! tou mumuni, tou liligi le toto, Tou fai ni masele ki leia e malolo i lona saosaoa,

Esaia 32:7

E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 18:20

Pe totogi loa le malie ki le veli ? Talie kua lotou kenu se popoko ke too loku mauli. Ke ke manatui e koe, na kau tuu i ou mua, O tupu ke ulufaki latou, Ti ke afei lou sausau ia latou.

Selemia 18:22

Ke logo ki ni tagi i olatou fale, Mo ka ke tuku loa latou ke osoi fakafokifa e ni kau solia ! Talie na lotou kenu se popoko ke kau vilo ai, Na lotou fakatuu ni masele i oku vae.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 9:8

Ko lolatou alelo ko se gasau mateia, E lotou pati ata ki loi ; I le gutu e lotou masau ki le tokamalie ki lolatou oloi, Kae i le takele o le loto e lotou fakatuu kia latou ni masele.

Mikea 6:10

Pe koi maua i le fale o le tagata agaveli Ni koloa o le agasala, Ti mo se efa sala, nea fakatupu malaia ?

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Luka 5:10

Na tatau foki mo Sakopo, mo Soane, vosa o Sepeteo, ko kau fai feua o Simone. Na pati loa Sesu kia Simone : Aua na ke i, e ke liliu maoki loa ko se tagata tautai tagata.