Selemia 5:24 - Tosi Tapu

²⁴ E leaise lotou pati i olatou loto : Ke tou i ki le Eteleno, lotatou Atua, Leia e soli ia le ua i lona temi Le ua i mua mo le ua i muli, Ti e taupau ia kia tatou a vasaa ke tuuti ai le fulumeto.

Selemia 5:24 ပူးပေါင်းရင်းမြစ်များ

Senesi 8:22

I le temi katoa leia e tuu ai loa le malama nei, ko le temi muluki o le fakaili mo lona temi tau, le momoko mo le vevela, le temi nive mo le temi mafana, le ao mo le pouli, e leaise lotou toe gato loa.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Sopo 29:23

Na lotou talitali kiate au ofaipe le talitali ki le ua, Ti na lotou fakamavaa olatou gutu o inu aku masau ofaipe le inu o se ua i le temi mafana.

Sopo 38:37

Ko ai leia e poto i le lau o ao, Ti mo le liligi o utele o le lagi,

Sopo 5:10

Ko ia leia e fakato ia a ua ke fakavai ai le kele, E tuku e ia mei le lagi le vai ke fakavai ai a faisaga.

Pesalemo 147:8

E kofu e ia le lagi ki ao ; E teuteu e ia le ua ki le kele ; E fakasosomo e ia le vao i aluga o mauga.

Pesalemo 65:9

Ko latou ala e nonofo i potupotu o le malama nei e i o tupu ko au nea fakamanamana ; E ke fakaapele le potu esite mo le potu uesite i le fiafia lasi.

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Selemia 10:13

I lona leo, e gugulu a vai i atu lagi, E fakapale ake e ia a ao i potupotu o le malama nei, E fakatupu e ia a uila mo le ua, E too e ia le matagi mei ona koloa fufu.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Selemia 50:5

E lotou afa loa le ala o Sione, E agaaga loa olatou mata kiate ia : Kotou au, kotou pipiki ki le Eteleno I se sai lee gato leia e leaise toe galo loa i se aso !

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Soele 2:23

Ti ko koutou, fanau o Sione, kotou fiafia ti kotou nekenekea I le Eteleno, lokoutou Atua, Talie e tuku atu loa e ia kia koutou le ua i lona temi, E kakau atu loa e ia kia koutou a ua o le temi momoko mo ua o le temi mafana, Ofaipe le temi mago.

Amosi 4:7

Ti ko au, na kau fakafiti le ua kia koutou, kae koi toe masina e tolu ki le temi tuuti o le fulumeto ; Na kau fakato le ua ki se kolo, Kae na leaise kau fakato a ia ki se tasi ake a kolo ; Na tali e se faisaga le ua, Kae na leaise to a ia ki se tasi faisaga, leia na malo.

Sakalia 10:1

Kotou kole ki le Eteleno le ua, le ua o le temi mafana ! E fakatupu loa e le Eteleno ni uila, Ti e tuku atu loa e ia kia koutou se ua lasi. E soli loa e ia ki le tagata taki toka tasi ni mouku i lana faisaga.

Mateo 5:45

o tupu ke kotou liliu ko vosa o lokoutou Tamana i selo ; talie e fakasopo e ia lana laa o fakatatau ki le kau agaveli ti mo le kau agamalie, ti e fakato e ia lana ua o fakatatau ki le kau agatonu ti mo le kau agasala.

Gaoi 14:17

kae na leaise toe tuku lana fakamaoki kiate ia i ana nea malilie, o soli kia koutou a ua mei le lagi, mo temi mou, ti mo fakapelepelei koutou ki nea kai mo le fiafia.

Tetelonome 28:12

E fakamavaa loa e le Eteleno lona koloa malie, le lagi, ke to kiate koe le ua i lona temi, ti ke manuia le gaoi katoa o ou lima : E ke soli maua loa ki ni puleaga mauke kae e leaise ke too maua loa.

Sakopo 5:7

Koia, fetaina, ke kotou kataki fualoa, o kaku ki le toe liliu mai a le Aliki. Kotou tio ki le talitali a le tagata gaoi kele ki le fua mauiga o le kele : e talitali a ia o kaku ki le to o ua o le temi mamate ti mo ua o le temi tutupu.

Apokalipisi 11:6

E la maua le pule ke tapono ai le lagi, o tupu ke aua na to se ua i aso ala e la akonaki fakakikite ai ; ti e la maua le pule ke fetogi ai a vai ke toto, ti ke tautea ai le malama nei ki malaia kesekese, i temi fuli ala e la loto loa ki ai.