Selemia 5:22 - Tosi Tapu

²² Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Selemia 5:22 ပူးပေါင်းရင်းမြစ်များ

Senesi 1:9

Na pati loa le Atua : Ke tanaki a vai i lalo o le lagi ki se ganea e tasi, ti ke sa le kele malo. Ti na soko loa le nea lena.

Uluaki tosi o Sau 13:28

ti na ano loa a ia. Na maua loa e ia le tino leia na tuku i le ala, ti mo le asino mo le laione ala na tutuu i ona tafa. Na leaise kai e le laione le tino ti na leaise tamate e ia le asino.

Sopo 26:10

Kua tosi e ia se laini takafuafua i aluga o atu vai, Ke koiga i le malama mo le fakapouli.

Sopo 37:24

Koia e tonu ai ke i a tagata kiate ia ; E leaise tio ona mata ki se poto fua e tasi.

Sopo 38:8

Ko ai leia na tapono ia le tai ki ni matapa, I le temi na mafuta ake ai i le loloto o le kele ;

Pesalemo 104:9

Na ke fakatuu loa se koiga ke aua na fakalaka a vai, O tupu ke aua na lotou toe au o ufiufi le kele.

Pesalemo 119:120

E lulu loku tino i loku i kiate koe, Ti e kau i ki au fakamaauaga.

Pesalemo 33:7

E tanaki fakatuuga e ia a vai o le tai, Ti e tuku e ia ki ni tanakiaga vai a moana.

Pesalemo 46:3

Koia e leaise motou i ai mo ka galulu le kele, Ti mo sosolo ai a mauga i loto malie o le tai,

Pesalemo 99:1

E sau le Eteleno : e lulu a atu kakai ; E ekeeke a ia i aluga o selupino : e siga le malama nei.

Taagapati 8:29

I lana tuku se koiga ki le tai, Ke aua na fakalaka ona galu i le matatai, I lana teki a fakatafito o le kele,

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 64:2

I le aso na ke fai ai ni nea fakamanamana ala na leaise motou talitali ki ai, Na ke ifo mai loa, ti na sosolo loa a mauga i ou mua.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Selemia 10:7

Ko ai e leaise i loa kiate koe, sau o atu puleaga ? Ko koe leia e tonu ke fai ki ai le i ; Talie e leaise tatau se tasi mo koe I le kau poto fuli o atu puleaga ti mo olatou puleaga fuli.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 31:35

E folafola le Eteleno, leia na fakatupu ia le laa ke fakamalama ia le ao, Leia na fakatuutuu ia le masina mo fetuu ke fakamalama ia le pouli, Leia e fakamalagalaga ia le tai ti e fakagugulu ia ona galu, Leia e igoa ko le Eteleno o kau tau :

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Amosi 4:12

Koia leia e kau fai felaaki ai loa kiate koe, Iselaele ; Ti e tupu e kau fai felaaki loa kiate koe, Ke ke teuteu ki le felavei mo lou Atua, ei Iselaele !

Amosi 9:6

Na fakatuu e ia lona fale i le atu lagi, Kae tuu lona fakatafito i le kele. E kalagai e ia a vai o le tai, Ti e fakamafola e ia latou i aluga o le kele : Ko le Eteleno ko lona igoa.

Sonasi 1:16

Ti na maua loa e le kau tagata lena se i lasi ki le Eteleno, ti na lotou momoli loa se sakilifisio ki le Eteleno, ti na lotou fai loa ni fakapapau.

Naume 1:4

E valoki e ia le tai ti e malo a ia. E fakamasa e ia a vaitafe fuli ; E gae le Pasani mo le Kalemelo, E gae a fitii laakau o Lipane.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Maleko 4:39

I lana ala ake, na valoki loa e ia le matagi, mo pati ki le tai : Fakalologo ! Manava oki ! Ti na mate loa le matagi, ti na momole oki loa le tai.

Luka 12:5

E kau fakasa atu loa kia koutou leia e tonu ke kotou i ki ai. Kotou i ki leia, mo ka oki lana tamate, e maua ia le pule ke ti ki le afi lee gato ; io, e kau pati atu kia koutou, ko ia lena e tonu ke kotou i ki ai.

Tetelonome 28:58

Kapau e leaise ke tausi loa ti mo fai loa a folafola fuli o le lao leinei, ala kua tuu i le tosi leinei, ti kapau e leaise ke fakaapaapa loa ki le suafa fakakololia mo fakaii o le Eteleno, lou Atua,

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.