Selemia 5:21 - Tosi Tapu

²¹ Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Selemia 5:21 ပူးပေါင်းရင်းမြစ်များ

Pesalemo 94:8

Ke kotou tokaga, tagata valelea ! Kau sala atamai, koafea e kotou popoto ai loa ?

Taagapati 17:16

Kolea le aoga o le paaga i le lima o le tagata valea ? Ke totogi ai le poto ?… kae e leai fua sona atamai.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 43:8

Ke fakaulu ki fafo le kakai kivi, leia e maua ia ni mata, Ti mo le kau tulituli, ala e maua ia ni taliga.

Esaia 44:18

E leaise lotou maua se atamai, e leaise lotou matala fua ki se nea, Talie na tapono olatou mata ke aua na lotou tio, Ti mo olatou loto ke aua na lotou matala.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 5:20

Kotou fakasa le nea leinei ki le fale o Sakopo, Kotou kalaga a ia i Suta, ti kotou pati :

Selemia 5:4

Na kau pati : Ko toe liliki fai ana e fai fenaaki, Talie koi lotou valelea, ti e leaise lotou iloa le ala o le Eteleno, Le lao o lolatou Atua.

Selemia 6:10

Ko ai leia e tonu ke kau masau ki ai, ti ko ai leia e tonu ke too ko se tagata fakamaoki ke lotou fakalogo mai ai kiate au ? Ko leinei, kua tulituli lolatou taliga, Ti e leaise mafai fua ke lotou tokaga ; Ko leinei, e fai le folafola a le Eteleno kia latou pe se lumaaga, E leaise lotou maua i ai se fiafia fua e tasi.

Selemia 7:13

Ti ko leinei, e pati le Eteleno, O tupu na kotou fai a nea fuli ana, O tupu na kau masau atu kia koutou i le usu kae na leaise kotou fakalogo mai kiate au, O tupu na kau kalagai koutou kae na leaise kotou fakalogo mai kiate au,

Selemia 8:7

Io, e iloa foki e le amatuku i le lagi lona temi leia e tonu ke ano ai ; E iloa foki e le lupe, mo le pekapeka, ti mo le amatuku Le temi leia e tonu ke lotou toe liliu ai ; Kae e leaise iloa fua e loku kakai le lao a le Eteleno.

Esekiele 12:2

Vosa o le tagata, e ke nofo i loto malie o se famili o ni kau agatuu, ala e maua ia ni fa mata ke tio kae e leaise lotou tio fuai, ni taliga ke logo kae e leaise lotou logo fuai ; talie ko se famili o ni kau agatuu.

Oseo 7:11

E fai Efalaimi pe se lupe valea, sala atamai ; E lotou kole tokoi ki Esipito, e lotou ano ki Asilia.

Sakalia 7:11

Kae na lotou patigataa o leaise lotou fakalogo, ti na lotou titua o tapono olatou taliga ke aua na lotou logo.

Maleko 4:12

o tupu ke lotou tio mata, kae aua na lotou iloa ; ke lotou logo taliga, kae aua na lotou matala, talie ke aua na lotou tafoki, ti ke aua na fakamolemole alatou agasala.

Maleko 8:18

Pe kua fefeka okoutou loto ? E kotou maua ni mata, kae e leaise kotou tio. E kotou maua ni taliga, kae e leaise kotou logo ? Pe leaise koi kotou manatui ?

Soane 12:40

Kua fakakivi e ia olatou mata ; Ti kua fakafefeka e ia olatou loto, Ke aua na lotou tio ki olatou mata, Ke aua na lotou matala i olatou loto, Ti ke aua na lotou tafoki, ti ke aua na kau fakamauli latou.

Gaoi 28:26

Ano ki le kakai lena, o pati : Ekotou logo loa i okoutou taliga, kae e leaise kotou matala loa ; Ekotou tio loa i okoutou mata, Kae e leaise kotou malama loa.

Loma 1:20

Koia, kua lotou tio mata ai ki malilie fakapulipuli o le Atua, mo lona mafimafi, mo lona natula fakaatua, talu mei le kamataaga o le malama nei, mo kapau e lotou tio ki ana gaoi. Koia e leaise lotou maua ai se solaaga.

Loma 11:8

o mulimuli ki le nea leia e tuu i le Tosi : Kua tuku e le Atua kia latou se loto tulemoe, Ni mata ke aua na tio, Ti mo ni taliga ke aua na logo, Okaku mai ki le aso nei. Ti na pati Tavite :

Tetelonome 29:3

Na tio okoutou mata ki asiasii lalasi ala na tuku e le Eteleno kia latou, mo milakulo, mo nea fakaofolele lalasi.

Tetelonome 29:4

Kae, o kaku mai ki le aso leinei, na leaise tuku e le Eteleno kia koutou se loto ke matala, mo ni mata ke tio, mo ni taliga ke logo.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?