Selemia 5:2 - Tosi Tapu

² Tatau aifai pe lotou pati : E mauli le Eteleno ! E lotou fai se fakamaoki loi.

Selemia 5:2 ပူးပေါင်းရင်းမြစ်များ

Esaia 48:1

Kotou fakalogo mai ki le nea leinei, fale o Sakopo, Koutou ala e igoa ki le igoa o Iselaele, Koutou ala na ulu mei vai o Suta ; Koutou ala e fakapapau i le suafa o le Eteleno, Ti e faikole ki le Atua o Iselaele, Kae puli ai le maoki mo le loto sako !

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Selemia 44:26

Kotou fakalogo mai ki le folafola a le Eteleno, koutou fuli ko kakai o Suta ala e nonofo i le fenua o Esipito ! E pati le Eteleno : Ko leinei, e kau fakapapau i loku suafa taualuga, e leaise toe too loa loku suafa e le gutu o se tagata fuai e tasi o Suta, ti e leaise pati loa se tasi i le fenua katoa o Esipito : E mauli le Aliki, le Eteleno !

Selemia 7:9

Kolea ! Kaia, tukipo, tono avaga, Fakapapau loi, momoli iseso kia Paale, Tausi ki ni atua kese ala e leaise kotou iloa !…

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Oseo 10:4

E lotou fai ni masau vaiga, mo ni fakapapau loi, Mo ka lotou fai se sai : Koia e somo ai loa le tautea, ofaipe se laakau kona I se faisaga kua fakamaluu.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Levitiko 19:12

Aua na kotou fai loa se fakamaoki loi i loku suafa, talie e ke fakakelekele loa i ai le suafa o lou Atua. Ko au ko le Eteleno.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Uluaki tosi kia Timoteo 1:10

ki le kau fai feauaki, mo le kau fakalialia, mo le kau kaia tagata, mo le kau gutu loiloi, mo le kau fakamaoki loi, ti mo nea fuli ala e fakafesagai ki le akonaki totonu,

Lua tosi kia Timoteo 3:5

e lotou maua a agaaga o le aga fakaatua, kae e lotou fakafiti ki le nea leia e fakatupu ia lona makeke. Ke ke fakamamao mei tagata ana.

Tito 1:16

E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.