Selemia 5:17 - Tosi Tapu

¹⁷ E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Selemia 5:17 ပူးပေါင်းရင်းမြစ်များ

Esaia 62:8

Na fakapapau a ia i lona lima atamai ti mo lona lima makeke : E leaise kau toe soli loa lau fulumeto ke kai e ou fili, Ti e leaise toe inu loa e vosa o le matapule lau vino, Fua o au gaoi ;

Esaia 62:9

Kae ko latou ala e tanaki ia loa le fulumeto e kai ia loa a ia Ti e fakafetai loa ki le Eteleno, Ti ko latou ala na tau ia le vite e inu ia loa le vino I lotoa o loku sagatualio.

Esaia 65:22

E leaise lotou fakatuu loa ni fale ke nofo ai e se tasi kese, Ti e leaise lotou to loa ni faisaga vite ke kai e se tasi kese le fua ; Talie e fai loa a aso o loku kakai pe aso o laakau, Ti e fiafia loa aku kau filifiliia i le gaoiaga o olatou lima.

Selemia 1:15

Talie e pati le Eteleno : Tio, e kau kalagai loa a kakai fuli o atu puleaga i le noleto ; ti e lotou au loa, ti e lotou tasi fakatuu loa lona nofolaga tau i le mua o matapa o Selusalemi, ki ona paa takatakai, mo kolo fuli o Suta.

Selemia 25:37

Kua maumaui a nofoaga malolo E le sausau kaka o le Eteleno.

Selemia 4:26

E kau tio, ti ko leinei, kua toafa le Kalemelo ; Ti kua maumaui ona kolo fuli, i mua o le Eteleno, I mua o lona sausau kaka.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 5:18

Kae i aso ana, e pati le Eteleno, E leaise kau maumaui fuli loa koutou.

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 50:7

Ko latou fuli ala na maua ia latou na kai ia latou, Ti na pati olatou fili : E leaise motou sala fua, Talie na lotou agasala ki le Eteleno, ki le nofoaga o le faitotonu, Ki le Eteleno, le amanaki malie o olatou tamana.

Selemia 8:13

E kau loto ke fakapuli latou fuli, e pati le Eteleno ; E leaise toe maua loa se fa vite i le vite, Pe ko se fa fiki i le fiki, Ti e gini loa a lau ; Ti e sola loa ia latou le nea leia na kau soli kia latou.

Selemia 8:16

E logo mai le tagi o osi mei le fetuu o Tane, Ti e galulu le kele katoa i le logoa o olatou tagi ; E lotou au, e lotou kai le fenua ti mo nea fuli e maua i ai, Le kolo ti mo latou e nonofo i ai.

Tagi laulau a Selemia 2:12

E lotou pati ki olatou tinana : E maua ifea se fulumeto mo se vino ? Ti lotou maluluku ofaipe ni nea lavelavea i ala o le kolo, E lotou mamate i fatafata o olatou tinana.

Tagi laulau a Selemia 2:2

Na maumaui sala alofa e le Aliki a nofoaga fuli o Sakopo ; Na soloi e ia i lona ita a kolo tau o le taine o Suta, Na tekai e ia latou ki le kele ; Na fakakelekele e ia le puleaga mo ona pule.

Esekiele 36:4

Mauga o Iselaele, kotou fakalogo mai ki le folafola a le Aliki, le Eteleno ! E folafola le Aliki, le Eteleno, o pati : Ki mauga lalasi mo mauga liliki, Ki liua mo vaivailiua, Ki potu kua toafa mo kolo kua tiaki, Ala kua liliu ko le nea kai mo le nea gologolo Ki la ake puleaga i le takatakai ;

Oseo 2:12

Ti ko leinei e kau fakasa loa lona matagafua ki mata o ana feauaki, ti e leaise saofaki loa a ia e se tasi mei loku lima.

Oseo 8:14

Talie kua galoi e Iselaele leia na fakatupu ia a ia, Ti na fakatuu e ia ni fale sau, Ti na liuliuga e Suta a kolo tau ; Kae e kau kakau loa le afi ki olatou kolo, Ti e tutu loa e ia olatou fale sau.

Soele 2:3

E ano se afi kaka i ona mua ; Ti e muli iate ia se ula vevela ; Na fai le fenua i mua pe se oloto o Eteni, Kae talu mei ai, ko se toafa fakaii a ia : E leaise sao se nea iate ia !

Levitiko 26:16

ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Sofoni 3:6

Na kau tuuti ni puleaga ; kua maumau olatou tule ; Na kau maumaui olatou ala, e leaise tasi koi fakalaka i ai ! Kua maumau olatou kolo, e leaise koi maua se tagata, e leaise koi maua se tasi ke nofo i ai !

Malakia 1:4

Kapau e pati Etome : Kua motou maumau, E motou toe laga loa a maumau ! Koia e folafola ai le Eteleno o kau tau : Ke lotou fakatuu ! e kau soloi loa, Ti e fakaigoa loa latou fenua o le agaveli, Kakai leia e itaita ki ai le Eteleno o lee gato.

Tetelonome 28:33

Ko se kakai leia e leaise ke iloa e kai ia loa a fua o lou kele mo le fua o lau gaoi katoa, ti e ke mauli popula loa ti mo taomia loa i aso fuli.