Selemia 5:12 - Tosi Tapu

¹² E lotou fakafiti ki le Eteleno, e lotou pati : E leaise Atua ! Ti e leaise au loa le malaia kia tatou, E leaise tou tio loa ki le seleta mo le oge.

Selemia 5:12 ပူးပေါင်းရင်းမြစ်များ

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Pesalemo 10:6

E pati a ia i lona loto : E leaise kau siga, Ti e leaise toe kaku mai se malaia kiate au !

Pesalemo 14:1

Ki le pule o le kau sua. Pesalemo a Tavite. E pati le vale i lona loto : E leaise Atua ! Kua lotou veli, kua lotou fai ni gaoi fakalialia. E leaise fa toka tasi fua e fai ia le malie.

Taagapati 30:9

Talie na kau makona, ti kau fakafiti kiate koe, O kau pati : Ko ai le Eteleno ? Ti na kau mativa, ti kau kaia, O kau takua noa ki le suafa o loku Atua.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 28:4

E pati le Eteleno : E kau toe fakaliliu mai loa ki le ganea leinei a Sekonia, vosa o Sosakimi, sau o Suta, mo le kau popula fuli o Suta, ala na ano ki Papilone ; talie e kau fatii loa le amo a le sau o Papilone.

Selemia 4:10

E kau pati : Ei Aliki Eteleno ! Na ke kakaai maoki le kakai leinei mo Selusalemi, o pati : E kotou maua loa le tokamalie ! Ka ko leinei kua siki le seleta ki lolatou mauli.

Selemia 43:1

I le oki o le fakasa e Selemia ki le kakai katoa a folafola a le Eteleno, lolatou Atua, a folafola fuli ana na fakatotonu e le Eteleno, lolatou Atua, ke fakasa kia latou,

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 6:14

E lotou faitoo fakakaka le lavea o le taine o loku kakai ; E lotou pati : Tokamalie ! tokamalie ! Kae e leai se tokamalie ;

Esekiele 13:6

E vaiga alotou tio, ti e loi alatou kikite ; E lotou pati : Na pati le Eteleno ! Kae na leaise kakau fua latou e le Eteleno ; Ti e lotou tuku ke amanaki e soko loa alatou masau.

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Tetelonome 29:19

Ke aua na i ai loa se tasi, leia e oki loa lana logo ki folafola o le sai leinei, ti e fia nealasi loa lona loto, o pati : E kau maua loa le tokamalie, logo ai e kau mulimuli loa ki olioli o loku loto, ti e kau fakalasi loa le fia inu ki le kona.

Uluaki tosi a Soane 5:10

Ko leia e tui ki le Alo o le Atua, e maua e ia le fakamaoki lena iate ia totonu ; ko leia e leaise tui ki le Atua, e fakagutuloiloi e ia le Atua, talie e leaise tui a ia ki le fakamaoki a le Atua ki lona Alo.

Uluaki tosi a Samuele 6:9

Ke kotou tioi loa lana ano : kapau e pale loa a ia i le ala ki le koiga o Iselaele, o ano ki Pete-Semesi, ti ko le Eteleno leia na tautea ia tatou ki le mamae lasi leinei ; ti kapau e leaise ano a ia i ai, e tou iloa loa e leaise ko le lima o le Atua leia na tautea ia tatou, kae na soko fakafuanoa le nea lena kia tatou.