Selemia 5:1 - Tosi Tapu

¹ Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Selemia 5:1 ပူးပေါင်းရင်းမြစ်များ

Uluaki tosi o Sau 19:10

Na tali loa a ia : Na kau fakasa loku alofa lasi ki le Eteleno, le Atua o kau tau ; talie kua tiaki e fanau o Iselaele lau sai, kua lotou maumaui ou aletale, ti kua lotou tamate ki le seleta lau kau polofeta ; kua kau toe toka tasi, ti kua lotou afa ke too loku mauli.

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Pesalemo 12:1

Ki le pule o le kau sua. I le alepe va valu. Pesalemo a Tavite.

Pesalemo 14:2

E tio le Eteleno mei aluga o le lagi ki vosa o le tagata, Ke tio ki se tasi leia e atamai, Leia e afa ia le Atua.

Pesalemo 14:3

Kua lotou sese fuli, kua lotou fakalialia fuli, E leaise fa toka tasi fua e fai ia le malie, E leaise fa toka tasi fua.

Pesalemo 94:16

Ko ai e tuu ake loa kiate au o taofi le kau agasala ? Ko ai e tokoi mai loa kiate au o taofi latou ala e fai ia le veli ?

Taagapati 20:6

E toka api latou ala e fakasa ia lolatou agamalie ; Kae ko se tagata agatonu, ko ai e maua ia loa a ia ?

Taagapati 23:23

Totogi le maoki, ti aua na ke fakatau a ia, Mo le poto, mo le akonaki, ti mo le atamai.

Taagapati 8:3

I tafa o matapa, i le uluaga o le kolo ; I loto o matapa, e kalaga a ia :

Katiko o Katiko 3:2

E kau tuu loa ki aluga, ti e kau fai loa le foli takai o le kolo, I ala mo lapalasi ; E kau afa loa leia e alofa ki ai loku laumalie… Na kau afa a ia, kae na leaise kau maua a ia.

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Selemia 2:29

Kolea e kotou visi ai loa mo au ? Na kotou agatuu fuli kiate au, e pati le Eteleno.

Selemia 44:15

Ko tagata fuli ala kua iloa ia kua tutu e olatou avaga le iseso ki ni iki ake atua kese, mo fafine fuli ala na tutu i ai, ti na lotou api ai, ti mo le kakai katoa leia na nofo i le fenua o Esipito, i Patolosi, na tali loa kia Selemia :

Selemia 8:6

E kau tokaga, ti e kau fakalogo : E leaise lotou masau ki le nea leia e tonu ke lotou masau ki ai ; E leaise fakasemala se tasi ki lana agaveli, O pati : Kolea na kau fai ia ? E lotou toe makape fuli, Ofaipe se osi leia e makape ki le tau.

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Selemia 9:7

Koia leia e masau ai le Eteleno o kau tau, o pati : Ko leinei, e kau oono loa latou, e kau asiasii loa latou, Talie kolea ke fai ki le taine o loku kakai ?

Esekiele 22:30

E kau afa ia latou se tagata leia e fakatuu ia se kaua, leia e tuu i le pu o le kaua i oku mua o tupu ko le fenua, o tupu ke aua na kau maumaui a ia ; kae e leaise kau maua se tasi.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Soele 2:9

E lotou mavetevete i le kolo, Makape i aluga o kaua, Kava ki aluga o fale, Ulu i katupa ofaipe se tagata kaia.

Amosi 8:12

E lotou feanoaki loa mei le tasi a tai ki le tasi a tai, Mei le noleto ki le esite, E lotou ano saele loa o afa le folafola a le Eteleno, Kae e leaise lotou maua loa a ia.

Sakalia 2:4

Ti na pati loa a ia ki le aselo leia na au : Makape o masau ki le tama lena, o pati : E liliu loa Selusalemi ko se kolo mavaa, o tupu ko le api o tagata mo manu ala e nonofo loa i ai ;

Luka 14:21

Na toe liliu loa le tagata fakasausau ki lona pule, o fakamatala kiate ia a nea fuli ana. Ti na itaita loa le pule o le fale, o pati ki lana tagata fakasausau : Ano fakatavili ki lapalasi ti mo ala o le kolo, o taki mai ki leinei le kau mativa, mo le kau maimoa, mo le kau kivi, ti mo le kau kito.

Lua tosi ki le kau Tesalonika 2:10

ti mo kaka fuli o le agasala kia latou ala e mamate, o tupu na leaise lotou tali le alofa ki le maoki, ke fakamauli ai latou.