Selemia 48:8 - Tosi Tapu

⁸ E ulu loa le tagata maumau ki le kolo taki tasi, Ti e leaise sao loa se kolo e tasi ; E mate loa le fenua o le vaivailiua, Ti e maumaui loa le fenua o le toafa, Ofaipe lona fakasa e le Eteleno.

Selemia 48:8 ပူးပေါင်းရင်းမြစ်များ

Selemia 15:8

Kua lasi ake ona lokonui i fiti o le one o le tai ; E kau aumai kia latou, ki le tinana o le tagata tupulaga, Le tagata maumau i le lalatea totonu ; E kau fakavilo fakafokifa kiate ia le i mo le lulu.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 48:18

Ifo mei le nofoaga o le kololia, o tonatona i le kele malo, A koe, taine o Tiponi ! Talie kua pale mai kiate koe le tagata maumau o Moape, Ti e maumaui e ia ou kolo tau.

Selemia 51:56

Io, kua oso le tagata maumau kiate ia, ki Papilone ; Kua too a tagata tau o Papilone, Kua fatifati alatou kalolo. Talie ko le Eteleno ko se Atua e totogi ia ki le tagata taki toka tasi o mulimuli ki ana gaoi, Ti e soli ia ki le tagata taki toka tasi lona totogi.

Selemia 6:26

Taine o loku kakai, ke ke pulou ki se taga, ti ke ke mafulifuli i le mugalafu, Tui le kofu o le putu ofaipe le putu ki se vosa fuatasi, Fakasali ou loimata, ni loimata kona ! Talie e au fakafokifa kia tatou le tagata maumau.

Esekiele 25:9

O tupu ko le nea lena, ko leinei, e kau fakamavaa le fenua o Moape, I le fetuu o ona kolo, i ona kolo i koiga, I kolo ala ko mataga o le fenua, Pete-Sesimoti, Paale-Meoni mo Kiliataimi,

Sosue 13:17

mo Eseponi ti mo ona kolo fuli i le laumalie : Tiponi, mo Pamoti-Paale, mo Pete-Paale-Meoni,

Sosue 13:21

mo kolo fuli o le fenua loto, ti mo le puleaga katoa o Sioni, sau o le kau Amole, leia na sau i Eseponi : na tamate a ia e Moisese, a ia mo sau o Matiane, ko Evi, mo Lekeme, mo Tesule, mo Uli, ti mo Lepa, ko sau ana na fakalogo kia Sioni ti na nonofo i le fenua.

Sosue 13:9

mei Aloele i kauvai o le liua ko Alenone, ti mei le kolo leia e tuu i loto malie o le vaivailiua, le fenua katoa o Metepa o kaku ki Tiponi ;