Selemia 48:2 - Tosi Tapu

² Kua puli le kololia o Moape ; I Eseponi e fai ai ni fakakaukau veli kiate ia : Tou ano, tou fakapuli a ia i loto malie o atu puleaga ! Mo koe foki, Matemene, e maumaui loa a koe ; E tuli loa a koe e le seleta.

Selemia 48:2 ပူးပေါင်းရင်းမြစ်များ

Esaia 15:1

Folafola ki Moape. I le po totonu leia na maumaui ai Moape, Na toe maumaui ai foki Ale-Moape ! I le po totonu leia na maumaui ai Moape, Na toe maumaui ai foki Kile-Moape !…

Esaia 15:5

Kua tagi foki loku loto ki Moape, Leia kua sosola lona kakai o kaku ki Tesoale, mo Ekalate-Selisisa ; Talie kua lotou pale fetagisi ki Lukite, Ti kua lotou taukalaga i le mamae i le ala o Kolonaimi.

Esaia 16:14

Kae kua folafola le Eteleno i le aso nei, o pati : Koi toe fetuu e tolu, ofaipe fetuu o se tagata solia totogi, E gaegae loa le kololia o Moape, Mo lona kakai toka api ; Ti ko le nea leia e toe loa ko se nea ikiiki fua, ko se ga nea noa fua.

Esaia 25:10

Talie e malolo le lima o le Eteleno i le mauga leinei ; Ti kua takatakafi a Moape i lona tuuaga, Ofaipe le takatakafi o ni penu i le popoko penu.

Selemia 25:15

Talie na masau mai kiate au le Eteleno, le Atua o Iselaele, o pati : Too i loku lima le ipu leinei kua apele i le vino o loku sausau, Ti ke fakainu a ia ki atu puleaga fuli Ala e kau kakau loa a koe ki ai.

Selemia 25:17

Ti na kau too loa le ipu i le lima o le Eteleno, Ti na kau fakainu loa a ia ki atu puleaga fuli ala na kakau au e le Eteleno ki ai :

Selemia 31:36

Kapau e gato loa a lao ana i se aso i oku mua, e pati le Eteleno, Ti e gato loa le puleaga o le sakoga o Iselaele i oku mua.

Selemia 33:24

Pe na ke fakatokagai le nea leia na pati ki ai a kakai ana : Ko famili ala e lua na filifili e le Eteleno, kua tiaki e ia laua ? Koia e lotou gologolo ai ki loku kakai, Ti e leaise koi lotou tio kiate ia ofaipe se puleaga.

Selemia 46:28

Ko koe, laku tagata fakasausau ko Sakopo, aua na ke i ! e pati le Eteleno ; Talie e kau nofo mo koe. E kau fakapuli loa a atu puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie leaise mafai ke kau tuku a koe sala tautea.

Selemia 48:17

Kotou tagi kiate ia, koutou fuli ala e takatakai ia a ia, Koutou fuli ala e iloa ia lona igoa ! Kotou pati : Pe na feaki loa le fati o le tokotoko fakasau makeke lena, Le laakau mamalu lena ?

Selemia 48:42

E puli loa Moape, e leaise toe tuu loa a ia ko se kakai, Talie na malaga a ia ki le Eteleno.

Selemia 48:45

I le malu o Eseponi e manavanava latou na sosola kua gagae ; Kae e ulu mai se afi mei Eseponi, Se ula mei loto malie o Sioni, E kai e ia a vakavaka o Moape, Ti mo tumuaki o le ulu o vosa o le maveuveu.

Selemia 49:3

Eseponi, tagi mamae, talie kua maumaui Ai ! Taineliki o Lapa, kotou fetagisi, kotou kofu ni taga, Kotou tagi laulau, ti kotou makape saele i paa o le kolo ! Talie e ano Malekome ki le popula, Mo ona kau pelepitelo, ti mo ona kau pule.

Selemia 49:37

E kau fakalulu loa a kakai o Elame i mua o olatou fili, Mo mua o latou ala e loto ki lolatou mauli ; E kau aumai loa kia latou ni malaia, O tupu ko loku sausau lasi, e pati le Eteleno, Ti e kau kapu loa latou ki le seleta, O kaku ki laku tamatamate fuli latou.

Numelo 32:37

Na laga loa e vosa o Lupeni a Eseponi, mo Eleale, mo Kiliataimi,