Selemia 48:12 - Tosi Tapu

¹² Koia e pati ai le Eteleno, ko leinei e soko mai loa a aso, Ala e kau kakau ai loa ni kakai ke liligi ia a ia ki ni iki ake a ipu ; E lotou liligi loa ke mamasa a fagu ala e tanaki ai a ia, Ti e lotou maumaui loa ona utele.

Selemia 48:12 ပူးပေါင်းရင်းမြစ်များ

Pesalemo 2:9

E ke fatifatii loa latou ki se tokotoko ukamea, E ke fatifatii loa latou ofaipe le ipu a se tagata faiipu.

Esaia 16:2

Ofaipe se manu lele e sola, ofaipe ni uviki o se ofaga e i, E fenaaki loa a taineliki o Moape, i le aso leia e lotou fakalaka ai i le Alenone.

Esaia 30:14

E maumau a ia ofaipe se ipu kele, Leia na taai fakaveliveli ke momo, Ti e leaise toe maua loa sona ga tipi ke too ai se malamalai afi i le gutuumu, Pe ke asu ai se ga vai i le fa tane.

Selemia 14:3

E kakau e le kau lalasi latou ala e liliki, ke ano o asu vai, Ti e ano le kau liliki ki fa tane, kae e leaise lotou maua se vai, Ti e lotou toe liliu mo alatou fagu mamasa ; E lotou uufi olatou ulu i lolatou luma.

Selemia 19:10

Ti oki a ia, e ke titi loa le ipu ke mafaa i mua o tagata ala e ano loa mo koe.

Selemia 25:34

Kotou tagi laulau, tagata tausi manu, ti kotou kalaga ! Kotou fuliteka i le mugalafu, kau takitaki o kau manu, Talie kua soko mai a aso ala e tamate ai loa koutou. E kau fatifatii loa koutou, ti e kotou vivilo loa ki lalo ofaipe se ipu mauiga.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 48:11

Na fimalie Moape talu mei lona ikiiki, Na malolo a ia i lona nofoaga, Na leaise liligi a ia mei se tasi a ipu ki se tasi ake ipu, Ti na leaise ano a ia o popula. Koia na taupau ai e ia lona suamalie, Ti na leaise fetogi ai lona manogi.

Selemia 48:13

E luma loa Moape ki lona atua ko Kemosi, Ofaipe le luma o le fale o Iselaele Ki Petele, leia na fakaapele ia a ia i le fanaki.

Selemia 48:15

Kua maumaui Moape, kua vela ona kolo, Kua tamate le kau lalasi o lona kau tagata tupulaga, E pati le sau, leia e igoa ko le Eteleno o kau tau.

Selemia 48:38

I ato o fale fuli o Moape mo ona malae fakafenua, Kua logo ata ki ni tagi laulau, Talie kua kau momoi Moape ofaipe se ipu veli, E pati le Eteleno.

Selemia 48:8

E ulu loa le tagata maumau ki le kolo taki tasi, Ti e leaise sao loa se kolo e tasi ; E mate loa le fenua o le vaivailiua, Ti e maumaui loa le fenua o le toafa, Ofaipe lona fakasa e le Eteleno.

Naume 2:2

Kua saele le tagata maumau kiate koe, Ninive. Taupau le kolo tau ! Leoleo le ala ! Teuteu le tau ! Tanaki lou makeke katoa !…