Selemia 48:10 - Tosi Tapu

¹⁰ Malaia leia e fai fakakaka ia le gaoi a le Eteleno, Malaia leia e fakamamao ia lana seleta i le matea !

Selemia 48:10 ပူးပေါင်းရင်းမြစ်များ

Uluaki tosi o Sau 20:39

I le temi na fakalaka ai loa le sau, na kalaga loa a ia kiate ia, o pati : Na nofo lau tagata fakasausau i loto malie o le tau ; ti ko leinei, na au loa se tagata o aumai se tasi ake tagata, o pati mai kiate au : Leoleo le tagata leinei ; kapau e puli loa a ia, ti e fetogi loa e lou mauli lona mauli, pe ke totogi loa a ia ki se fa tenalio paaga e tasi !

Uluaki tosi o Sau 20:40

I le lolotoga oso saele o lau tagata fakasausau, na sola loa le tagata. Na pati loa le sau o Iselaele kiate ia : kua ke fakasa e koe totonu lou tua.

Uluaki tosi o Sau 20:42

Na pati loa le polofeta ki le sau : Ko leinei le folafola a le Eteleno : Talie kua ke tuku ke sola mei ou lima le tagata leia na kau fakatotonu ke tamate, e ke mate loa o fetogi a ia ti e mamate loa lou kakai o fetogi lona kakai.

Lua tosi o Sau 13:19

Na ita loa le tagata a le Atua kiate ia, o pati : Na tonu ke ke taai o tua lima pe tua ono ; ti e ke taui loa le kau Silia o kaku ki lolatou maumaui ; i le lakaga nei, e ke malo loa o tua tolu fai ia latou.

Selemia 11:3

Pati kia latou : E folafola le Eteleno, le Atua o Iselaele, Malaia le tagata leia e leaise fakalogo ki folafola o le sai leinei,

Selemia 47:6

Oiau ! Seleta a le Eteleno, e ke manavanava loa afea ? Ulu ki lou tukuaga, taofi, malolo !

Selemia 47:7

Pe feaki loa lau malolo ? E tuku e le Eteleno ana fakatotonu kiate ia, Ke agaaga ki Asekaloni mo le fenua o le mata tai.

Selemia 50:25

Koia na fakamavaa ai e le Eteleno lona fale masafu tau, Ti na too e ia i ai a masafu o lona sausau ; Talie ko se gaoi lena a le Aliki, a le Eteleno o kau tau, I le fenua o le kau Kaletea.

Selemia 50:27

Kotou tamate ana pipi tagata fuli, ke ave latou ki le fale tamate manu ! Malaia kia latou ! talie kua soko mai lolatou aso, Le temi o lolatou tautea.

Sosue 10:19

Kae ko koutou, ke aua na kotou toe tuu, ke kotou soko atu le tuli o okoutou fili, ti ke kotou tuuti le siku o le fili. Ke aua na kotou tuku latou ke ulu ki olatou kolo, talie kua tuku atu latou e le Eteleno, lokoutou Atua, ki okoutou lima.

Tuifakamaau 5:23

Na pati loa le aselo o le Eteleno : Ke kotou fakamalaia Melosi, Ke kotou fakamalaia, ke ke kotou fakamalaia lona kakai, Talie na leaise lotou ano loa o tokoi ki le Eteleno, Io, o tokoi ki le kau toa a le Eteleno.

Uluaki tosi a Samuele 15:3

Ano i le temi nei, o taai Amaleke, ti ke kotou maumaui loa ana nea fuli ; ke aua na ke fakamauli loa a ia, ti ke ke tamate loa a tagata mo fafine, a fanau mo toe memea, a pipi mo ovi, a kamelo mo asino.

Uluaki tosi a Samuele 15:9

Kae na fakamauli loa e Saulo mo le kakai a Akake, mo ovi malilie, mo pipi malilie, mo manu malilie fuli, mo akeno pepeti, mo nea malilie fuli ; na leaise lotou loto loa ke maumaui latou, ti na lotou maumaui fai a manu ala na masasaki mo kakala.